BIACEIHTU 18:27 - Lai (Hakha) Common Language Bible 2006

²⁷ Cun Dan mi hna nih Mikah nih a sermi thil le amah ta a simi tlangbawi kha an i kalpi hna i Laish khua an phan, khi khuami hna cu kikdai le lunghrinnak ngei loin an um. Vainam in an sam dih hna i khua kha mei in an khangh.

BIACEIHTU 18:27 ပူးပေါင်းရင်းမြစ်များ

GENESIS 49:16

“Dan cu a mi hna uktu a si lai, A mi hna cu Israel phun cio bantuk kha an si lai.

DEUTERONOMI 33:22

Cun Dan kongah, “Dan cu chiandeih fano, Bashan in a hung petmi a si,” tiah a ti.

JOSHUA 11:11

A chungah a ummi vialte cu vainam in an thah dih hna i an hrawh cikcek hna; thaw a chuahmi pakhat hmanh an zuah lo; Hazor cu mei in a khangh.

JOSHUA 19:47

Dan mi nih an ram cu an sungh tikah, Dan mi hna cu an hung kal i Leshem kha an hung doh i an tei. Vainam in an sam dih hnuah an lak i a chungah khua an sa i anmah thlatu Dan min chuankhan in Leshem cu Dan tiah an ti.

BIACEIHTU 18:10

Nan hung kal tikah lunghrinnak ngei lomi hna sinah nan hung phan lai. Ram cu a kaupi ko; asi, Bawipa nih nan kut chungah, vawlei cung i a ummi thil zeihmanh a bau lonak hmun cu an pek cang hna,” tiah an ti.

BIACEIHTU 18:26

Cun Dan mi hna cu an kal ko; Mikah nih a caah an ṭhawng tuk ti kha a hmuh tikah, aa let i a inn ah a kir.

BIACEIHTU 18:7

Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.

BIACEIHTU 8:11

Cun Gideon cu, a bu in khualtlawnnak lam, Nobah le Jogbehah nichuahlei khan a hung kal i ralkapbu a hung tuk hna; ralkap cu hnangam tuk in an rak um.