BIACEIHTU 18:2 - Lai (Hakha) Common Language Bible 2006

² Cucaah an phun ningpi chungin, Zorah le Eshtaol in, a ṭhawngmi panga, ram cu hung ngiat hung hlathlai awkah, an thlah hna; cun annih nih, “Va kal u law, ram cu hung hlathlai u,” tiah an ti hna. Cun Efraim tlangram kha an phan i Mikah inn kha an phan i khika ah an riak.

BIACEIHTU 18:2 ပူးပေါင်းရင်းမြစ်များ

GENESIS 42:9

Anmah kong i mang a manhmi kha a hun hngalh i, “Mingiatu nan si; kan ram a dernak zawn kawl awkah nan ra,” a ti hna.

PHUNGTHLÛKBIA 20:18

Lungthin i cheuhnak in khuakhanmi kha a hmun, i timh ciammam loin raltuknak hmun chungah lut cutmat hlah.

NAMBAR 13:17

Moses nih Kanaan ram va ngiatthlai awkah cun a thlah hna i annih sinah, “Negeb ah khin hung kal u law, cun tlangram ah nan hung lut lai.

LUKA 14:31

Siangpahrang pakhatkhat nih, amah tuk awkah ralkap thong kul he a rami siangpahrang kha, a ralkap thong hra he rak doh awkah a hei chuahhnawh ahcun, a ṭhu hmasa lai i pei, kha siangpahrang kha ka do kho lai maw do kho lo tiah aa tuak hmasa lai cu.

JOSHUA 15:33

Cun rawnram ah, Eshtaol, Zorah, Ashnah,

JOSHUA 19:41

Cun an comi ram chungah cun Zorah, Eshtaol, Ir-shemesh,

JOSHUA 2:1

Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 2:2

Cun Jeriko siangpahrang cu, “Zohhmanh, ram ngiatthlai awkah Israel mi tuzan ah hika ah an ra,” tiah an chimh.

BIACEIHTU 13:2

Cun Zorah khuami pakhat, Dan phun a simi, a min Manoah a simi cu a um i a nupi cu a cing i fa a ngei lo.

BIACEIHTU 13:25

Cun Bawipa thlarau nih Zorah le Eshtaol karlak i a ummi Mahaneh-dan hmun ah khan amah cu cawlcanghter hram a thawk.

BIACEIHTU 16:31

Cun a unau hna le a innchungkhar vialte an rung i an lak i an hun kalpi i Zorah le Eshtaol karlak i a ummi a pa Manoah thlan ah khan an vui. Israel mi kha kum kul bia a ceih hna.

BIACEIHTU 17:1

Efraim tlangram mi pakhat a min Mikah a simi a rak um.

BIACEIHTU 18:11

Cun Dan phun chungin mi za ruk, raltuknak hriamnam he aa thuammi hna cu Zorah le Eshtaol in an i thawh i

BIACEIHTU 18:13

Cun cuka cun Efraim tlangram ah khan an lan i Mikah inn kha an phan.

BIACEIHTU 18:3

Mikah inn pawng i an um tikah Levi mi tlangval aw kha an theih i cu lei cu an hei fuh i amah cu, “Aho nih dah mahka ah hin an ratpi? Mah ka hmun ah hin zeidah na tuah? Hika ah hin na rian zeidah a si?” tiah an ti.

BIACEIHTU 18:8

Cun annih nih Zorah le Eshtaol i an unau hna sinah an rat tikah, an unau hna nih cun, “Zeitindah a si?” tiah an ti hna.

BIACEIHTU 19:1

Khi caan lioah, Israel chung i siangpahrang an um lo lioah khan, Levi mi pakhat cu Efraim tlangram a ken ah a pem i Judah ram Bethlehem khua in nuchun pakhat aa lak.

BIACEIHTU 19:18

Cun anih nih, “Judah ram Bethlehem khua in ka ratnak Efraim tlangram i hmun ken ah cun kan kal lai. Judah ram Bethlehem khua ah cun ka kal i atu cu ka inn ah ka kir lio; ahohmanh nih an ka tlunter lo.