BIACEIHTU 18:18 - Lai (Hakha) Common Language Bible 2006

¹⁸ Cun hi hna nih hin Mikah inn chungah an luh i suaimi milem le tlangbawi angki le milem tete le thletmi milem kha an lak tik hna ah, tlangbawi nih khan annih cu, “Zeidah nan tuah?” tiah a ti hna.

BIACEIHTU 18:18 ပူးပေါင်းရင်းမြစ်များ

ISAIAH 46:2

Atu cu kha pathian hna kha donghnak an phan cang; siasal cu anmah le anmah an i khamh kho lo; mi nih an tlaih hna i an kalpi hna.

EZEKIEL 21:21

Zeicahtiah Babilon siangpahrang cu lam an i ṭhennak, lam ṭeka ah khan li kha tin a hmang tawn. Camcawhnak thal kha a zoh hna i chungkhar siasal kha an ruahnak a hal hna, sa hnit kha a zoh hna.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

BIACEIHTU 18:17

cun tlangbawi cu kutka luhnak i minung za ruk raltuknak hriamnam aa putmi hna he an dir lioah, ram ngiat awkah a hung kalmi panga hna kha an lut i suaimi milem, tlangbawi angki, milem tete le thletmi milem kha an lak hna.

BIACEIHTU 18:19

Cun annih nih amah cu, “Dai tein um ko, na kaa cu na kut in hup ko, kan sinah ra law, kan caah pa le tlangbawi si ko. Nangmah caah mipa pakhat innchungkhar ca i tlangbawi si maw a ṭha deuh. Israel mi chung i phun khat le hrin khat ca i tlangbawi si dah a ṭha deuh?” tiah an ti.