BIACEIHTU 18:10 - Lai (Hakha) Common Language Bible 2006

¹⁰ Nan hung kal tikah lunghrinnak ngei lomi hna sinah nan hung phan lai. Ram cu a kaupi ko; asi, Bawipa nih nan kut chungah, vawlei cung i a ummi thil zeihmanh a bau lonak hmun cu an pek cang hna,” tiah an ti.

BIACEIHTU 18:10 ပူးပေါင်းရင်းမြစ်များ

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

EZEKIEL 20:6

Khi ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai, ka ti.

DEUTERONOMI 2:29

Jordan ka tan i Bawipa kan Pathian nih a kan pekmi ram chungah ka luh hlantiang Seir ah a ummi Esau fapa hna le Ar ah a ummi Moab mi hna nih ka cungah an tuah bangin, ka ke in hei ka lanhter men ko,’ tiah ka ti.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

JOSHUA 2:23

Cun mi pahnih hna kha tlang cung cun an rung ṭum ṭhan i tiva cu an tan i Nun fapa Joshua sinah khan an ra; cun an cung i thil a tlungmi vialte kha an chimh.

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

JOSHUA 6:16

Cun a voi sarihnak ah cun, tlangbawi nih muko an tum tikah khan, Joshua nih mi zapi hna sinah cun, “Au tuah u; zeitintiah Bawipa nih khua cu an pek cang hna,” a ti.

BIACEIHTU 18:11

Cun Dan phun chungin mi za ruk, raltuknak hriamnam he aa thuammi hna cu Zorah le Eshtaol in an i thawh i

BIACEIHTU 18:27

Cun Dan mi hna nih Mikah nih a sermi thil le amah ta a simi tlangbawi kha an i kalpi hna i Laish khua an phan, khi khuami hna cu kikdai le lunghrinnak ngei loin an um. Vainam in an sam dih hna i khua kha mei in an khangh.

BIACEIHTU 18:7

Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.

BIACEIHTU 18:9

Annih nih, “I thawh u law, hung kalhnawh hna u sih; an ram cu kan hmuh i zohhmanh, a vawlei a ṭha ngaingai. Nan cawlcang lai lo dahra hi? Cu ram i hung kal, hung luh le hung co cu i khulnuarh hlah u.