BIACEIHTU 17:6 - Lai (Hakha) Common Language Bible 2006

⁶ Khi caan lioah cun Israel mi lakah siangpahrang an um lo; ahopaoh nih anmah le an duhmi cio kha an tuah ko.

BIACEIHTU 17:6 ပူးပေါင်းရင်းမြစ်များ

GENESIS 36:31

Israel siangpahrang ahohmanh nih Edom ram cu an uk hlanah, cu ram a rak uktu siangpahrang cu hi hna hi an si.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

PHUNGTHLÛKBIA 12:15

Mihrut nih cun ka ding tiah a ruah zungzal, lungthin cheuhmi a ngaimi cu mifim an si.

PHUNGTHLÛKBIA 14:12

Lam dik tiah na ruahmi kha thihnak lei kalnak lam a si kho ko.

PHUNGTHLÛKBIA 16:2

Na tuahmi cu a ṭha dih in na ruah ko lai, sihmanhsehlaw Bawipa nih naa tinhnak na lungthin cu a hngalh dih.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

DEUTERONOMI 12:8

Mi kip nih mah le hmuhning cio ah a ṭha ti i nihin i hika i kan tuah bang hin nan tuah lai lo,

DEUTERONOMI 33:5

Cun, mi hna lu cu an i pumh tikah, Israel phun vialte hna cu hmunkhat ah, Bawipa cu Jeshurun chungah siangpahrang ah a cang.

BIACEIHTU 18:1

Khi caan lioah cun Israel mi lakah siangpahrang an um lo. Cun khi caan lioah cun Dan phunmi hna cu umnak dingah ro an kawl; zeicahtiah khi caan tiangah Israel phun hna nih an comi ro cu annih nih an co ve rih lo.

BIACEIHTU 19:1

Khi caan lioah, Israel chung i siangpahrang an um lo lioah khan, Levi mi pakhat cu Efraim tlangram a ken ah a pem i Judah ram Bethlehem khua in nuchun pakhat aa lak.

BIACEIHTU 21:25

Khi caan lioah khan Israel mi lakah siangpahrang an um lo; ahopaoh nih anmah duhmi cio kha an tuah ko.

BIACEIHTU 21:3

Cun annih nih, “Maw Bawipa, Israel mi Pathian, zeicahdah Israel mi chungah hi thil hi a hung um i Israel mi lakin nihin ah hin phun khat cu an bau?” tiah an ti.