BIACEIHTU 17:4 - Lai (Hakha) Common Language Bible 2006

⁴ Cun ngun tangka cu a nu kha a pek ṭhan hna. Ngun tangka hna chungin za hnih kha a lak i ngun soser kha a pek i soser nih cun milem ah a ser; milem cu thing in a ser i ngun in a tuam i Mikah innchung ah cun an chiah.

BIACEIHTU 17:4 ပူးပေါင်းရင်းမြစ်များ

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

ISAIAH 44:13

Lehtama nih khan thing kha a tah. A ser dingmi mui kha thungrang in a rin i a rinning cun a hriamnam in a saih. Minung mui in a ser, aa dawh ngai mipa mui in a ser i biakinn chungah an chiah.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

BIACEIHTU 17:3

Ngun tangka cu a nu kha a pek ṭhan i a nu nih, “Ka fapa cungah chiatsernak kha a tlun nakhnga lo, Bawipa sinah ngun tangka cu ka pekchanh hna. Thing milem ngun hutmi sernak caah hman a si lai. Cucaah atu ah ngun tangka cu na sinah kan pek ṭhan,” tiah a ti.

BIACEIHTU 17:5

Cun Mikah nih cun hmunthiang pakhat a ngei i tlangbawi angki le milem tete a ser hna i, a fapa pakhat cu a thianter i a tlangbawi ah a cang.

BIACEIHTU 18:17

cun tlangbawi cu kutka luhnak i minung za ruk raltuknak hriamnam aa putmi hna he an dir lioah, ram ngiat awkah a hung kalmi panga hna kha an lut i suaimi milem, tlangbawi angki, milem tete le thletmi milem kha an lak hna.