BIACEIHTU 16:6 - Lai (Hakha) Common Language Bible 2006

⁶ Cun Delilah nih Samson cu, “Zaangfahnak tein khuazei ah dah na thazang nganpi hi a um i tei khawh na si nakhnga zeitindah ṭem na si hnga, ka chim tuah,” tiah a ti.

BIACEIHTU 16:6 ပူးပေါင်းရင်းမြစ်များ

NEHEMIAH 6:4

Cun cu bantukin voi li bia an ka cah i cu bantukin voi li ka leh ve hna.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

PHUNGTHLÛKBIA 22:14

Va cungin pa aa duhmi bia cu khor thuk bantuk a si, Bawipa nih chiat a serhmi hna cu cuka ah cun an tla lai.

PHUNGTHLÛKBIA 26:28

Lihchim hmangmi lei nih cun a sual lomi kha a sual a lawhter hna, Nalbia nih cun rawhralnak lawng kha a chuahpi.

PHUNGTHLÛKBIA 6:26

Zeicahtiah hlawhhlangnu cu changreu hlum khat in hlan khawh a si ko, sihmanhsehlaw a va cungin pa aa duhmi nih cun mipa nunnak hrimhrim kha tlaih aa tim.

PHUNGTHLÛKBIA 7:21

Lemsoinak bia tam piin a lem i a biathlum in a hnek khawh.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

BIACEIHTU 14:17

Cun an puai chung, ni sarih chung cu a hmaiah a ṭap i fak piin a hnek lengmang caah, a ni sarihnak ni ah cun a chimh. Cun anih nih biahleng cu a ram mi hna kha a chimh hna.

BIACEIHTU 16:5

Cun Filistin bawi hna kha a sinah an ra i, “Lem law, a thazang ṭhapi hi khuazei ah dah a um i zei lam in dah kan tei khawh i kan ṭem khawh i kan hrilh khawh lai, hngalh i zuam tuah; cun kannih nih ngun phar thong khat le za khat cio kan in pek lai,” tiah an ti.

BIACEIHTU 16:7

Cun Samson nih anih cu, “Liza a thar pasarih, a ro rih lomi in ka ṭem hna seh law ka der lai i midang bantuk cio ka si ko lai,” tiah a ti.