BIACEIHTU 16:24 - Lai (Hakha) Common Language Bible 2006

²⁴ Cun mi nih an hmuh tikah khan an pathian kha an thangṭhat i, “Kan pathian nih kan ral, kan ram a hrawkhraltu le tampi a kan thattu cu kan kut chungah a kan pek cang,” tiah an ti.

BIACEIHTU 16:24 ပူးပေါင်းရင်းမြစ်များ

1 CHANRELNAK 10:9

A thilthuam kha an hawh i a lu le a ralthuam kha an lak i an siasal hna le mi zapi hna sin i thawng ṭha cu kalpi awkah Filistin mi ram dihlak ah khan lamkal an thlah hna.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

EZEKIEL 20:14

Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIACEIHTU 15:14

Lehi a phak tikah amah ton awkah cun Filistin mi cu au pah in an ra; cun Bawipa thlarau cu ṭhawng piin a cungah a tlung i a ban ṭemnak hri cu mei nih a tlaihmi khumhri bantuk ah a cang i an ṭemnak hri cu a kut in an tla ko.

BIACEIHTU 15:16

Cun Samson nih cun, “Laa kharuh in ka pon tengtung ko hna, Laa kharuh in mi thong khat ka thah hna,” tiah a ti.

BIACEIHTU 15:8

Cun annih cu ngaan loin a thah hna i a vung kal i Etam lungpi kak chungah cun a um.

BIACEIHTU 16:25

Cun an lung kha aa lawmh tikah annih nih, “Samson kha va ko tuah u, nunnuam kan tuahpiak seh,” tiah an ti. Cucaah Samson cu thong chung khan an auh i an hmaiah nunnuam cu a tuahpiak hna. Tung karlak ah khan an dirter i

1 SAMUEL 31:9

A lu kha an cik i a ralthuam kha an hawh i thawngṭha cu an siasal hna le mi zapi hna sin i kalpi awkah Filistin mi ram dihlak ah khan thawngthanhtu an thlah hna.