BIACEIHTU 16:20 - Lai (Hakha) Common Language Bible 2006

²⁰ Cun amah nih cun, “Samson, Filistin mi nih an in tlaih cang lai hih!” tiah a ti. Cun aa hngilhnak cun a hun i hlau i, “Voi dang bantuk khan ka chuak lai i keimah le keimah kaa luatter lai,” tiah a ti. Cun anih nih, Bawipa nih a kaltak cang kha a hngal lo.

BIACEIHTU 16:20 ပူးပေါင်းရင်းမြစ်များ

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

ISAIAH 42:24

Aho nih dah Israel cu thil chuttu hna kut chungah khan a chanh? Bawipa hrimhrim kha a si, a cung i sualnak kan tuahmi Bawipa kha a si. Cuticun nung hna seh a kan tining in kan nung duh lo, a kan cawnpiakmi zong kha ka ngai lo.

HOSEA 7:9

Ramdangmi kha an i bochan hna caah anmah thazang kha a ṭum, sihmanhsehlaw cucu an hngal lo; An sam a par dih cang hmanh kha an hngal lo.

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

MATTHAI 17:16

Na zultu pawl sinah ka ratpi nain an damter kho lo,” tiah a ti.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

JOSHUA 7:12

Cucaah Israel mi nih an ral hna hmaiah an dir kho lo; annih cu hrawh awk thil ah khan an i can caah an ral hna hmaiah an zaam. Nan lak in pekchanhmi thil kha nan hrawh lo ahcun nan sinah ka um ti lai lo.

BIACEIHTU 16:14

Cucaah a ih kar ah, Delilah nih cun a lu cung samphiar phiar sarih cu a lak hna i thiam ah a tah chih. Cun tahtlem in fek tein a khawn chih i, “Samson, Filistin mi nih an in tlaih cang lai hih!” tiah amah cu a ti. Sihmanhsehlaw aa hngilhnak in a hun i hlau i tahtlem he, a tlang he, a thiam he a phawi dih hna.

BIACEIHTU 16:19

A phei chungah a ihter i mipa pakhat a auh i a lu cung i a sam phiar sarih cu a mehter. Cun hrem hram kha a thawk i a thazang nih khan a kaltak cang.

BIACEIHTU 16:21

Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.

BIACEIHTU 16:3

Sihmanhsehlaw Samson cu zanṭim tiang a it i zanṭim ah cun a tho i khua kutka innkhar hna le a tung pahnih hna kha a tlaih hna i a hrenhnak hna he cun an dihlak in a phawi hna i a liang ah aa khinh hna i Hebron hmai i a ummi tlangpar ah cun a kalpi hna.

BIACEIHTU 16:9

Innchung chungchin in a bawhtumi a umter hna. Cun anih nih, “Samson, Filistin mi nih an in luhhnawh hih!” tiah a ti. Sihmanhsehlaw liza hna cu, khumhri phuai mei nih a tongh i a cah bak bantuk khin a chah bak ko hna. Cucaah a thazang biathli cu hngalh a si lo.

1 SAMUEL 16:14

Bawipa thlarau cu Saul sin khan aa ṭhial i Bawipa sinin a rami thlarau ṭhalo nih amah kha awlok a chonh.

1 SAMUEL 18:10

Cun a thaizing ah thlarau ṭhalo Pathian sinin a rami kha Saul cungah a tlung i David nih ni khat hnu ni khat a tum tawn bang khan tingtang kha a tum lioah, a inn chungah molh bia kha a chim lengmang ko. Saul nih a fei kha a kut in aa put i

1 SAMUEL 18:12

Saul nih David kha a ṭih; zei-cahtiah amah sinah khan Bawipa a um, sihmanhsehlaw Saul kha cu a chuahtak cang.