BIACEIHTU 16:13 - Lai (Hakha) Common Language Bible 2006

¹³ Cun Delilah nih Samson cu, “Atu tiangin na ka hlen lengmang ko i lih na ka chimh; zeitindah ṭem khawh na si hnga, ka chim ko,” tiah a ti. Cun anih nih, “Ka lu cung samphiar phiar sarih hi thiam ah na tah chih i tahtlem in fek tein na khawn chih ahcun ka der lai i midang bantuk ka si ve ko lai,” tiah a ti.

BIACEIHTU 16:13 ပူးပေါင်းရင်းမြစ်များ

BIACEIHTU 14:17

Cun an puai chung, ni sarih chung cu a hmaiah a ṭap i fak piin a hnek lengmang caah, a ni sarihnak ni ah cun a chimh. Cun anih nih biahleng cu a ram mi hna kha a chimh hna.

BIACEIHTU 16:10

Cun Delilah nih Samson sinah cun, “Zohhmanh, na ka hlen i lih na ka chimh; zeitindah ṭem khawh na si lai cu ka chim ko sawh,” tiah a ti.

BIACEIHTU 16:12

Cucaah Delilah nih hri thar cu a lak hna i amah cu cu hri cun a ṭem i, “Samson, Filistin mi nih an in tlaih cang lai hih!” tiah a ti. Cun a bawhtu hna cu innchung chungchin ah an um. Sihmanhsehlaw a kut ṭemnak hri cu lazai bantuk men in a chah hna.

BIACEIHTU 16:14

Cucaah a ih kar ah, Delilah nih cun a lu cung samphiar phiar sarih cu a lak hna i thiam ah a tah chih. Cun tahtlem in fek tein a khawn chih i, “Samson, Filistin mi nih an in tlaih cang lai hih!” tiah amah cu a ti. Sihmanhsehlaw aa hngilhnak in a hun i hlau i tahtlem he, a tlang he, a thiam he a phawi dih hna.