BIACEIHTU 15:6 - Lai (Hakha) Common Language Bible 2006

⁶ Cun Filistin mi nih, “Aho nih dah mah hi a tuah?” tiah an ti. Cun annih nih, “Timnah mipa i a tupa, Samson nih khan a tuah, zeicahtiah a nupi kha a lakpiak i a hawipa kha a pek,” tiah an ti. Cun Filistin mi cu an ra i amah le a pa kha mei in an khangh hna.

BIACEIHTU 15:6 ပူးပေါင်းရင်းမြစ်များ

PHUNGTHLÛKBIA 22:8

Dinlonak thlaici kha na tuh ahcun harnak kha na zun lai i na rian theitlai cu fungfek kha a si lai.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

BIACEIHTU 12:1

Efraim mi hna cu, hriamnam i lak u, tiah ti an si i Zafon ah an va kal i Jepthah sinah cun, “Zeicahdah Ammon mi hna doh awkah tiva kha na tan i kannih kha nangmah sin i kal awkah na kan auh lo? Na inn ah kan in duah chih lai,” tiah an ti.

BIACEIHTU 14:15

A ni linak ni ah Samson nupi cu, “Na va cu, biahleng kha zei a si a kan chimh nakhnga lem tuah, cu ti a si lo ahcun nangmah le na pa innchungkhar cu mei in kan in khangh hna lai. Kannih kha sifak i umter awkah maw hika ah na kan sawm?” tiah an ti.

BIACEIHTU 15:5

Cun meifar tom cu a van hna hnuah, Filistin mi hna i an rawl kung a dirmi hna lakah cun cenghngia cu a thlah hna i facang phal a bu in an tunmi hna le an rawl kung a dirmi hna le oliv dum hna zong kha an khangh dih hna.

BIACEIHTU 15:7

Cun Samson nih annih cu, “Mah hihi nan tuahmi va si kaw, nan cungah phu ka hlam hrimhrim lai i cu hnuah cun ka ngol te lai,” tiah a ti.