BIACEIHTU 15:5 - Lai (Hakha) Common Language Bible 2006

⁵ Cun meifar tom cu a van hna hnuah, Filistin mi hna i an rawl kung a dirmi hna lakah cun cenghngia cu a thlah hna i facang phal a bu in an tunmi hna le an rawl kung a dirmi hna le oliv dum hna zong kha an khangh dih hna.

BIACEIHTU 15:5 ပူးပေါင်းရင်းမြစ်များ

2 SAMUEL 14:30

Cu tikah a sinum cu a thawh hna i “Vei mu, liou hna, Joab lo cu keimah lo chang ah khan a si i a chungah barli a ngei hna khah, va kal u law mei in va duah hna uh,” tiah a ti. Cucaah Absalom sinum hna nih khan a lo cu mei in an duah.

EXODUS 22:6

“Mei a tlan sual i ram kha a kangh i ponmi rawl siseh, a dir liomi rawl siseh, thlaici tuhmi lo siseh, a kangh ahcun, mei a thawhtertu nih khan a kangmi man cu a liam lai.

EXODUS 23:11

Sihmanhsehlaw kum sarihnak kum ah cun nan dinhter hna lai i an chungin a chuakmi kha nan la hna lai lo. Cuka i a vuimi cu nan lak i a ummi nan misifak nih i lak hna seh law an nganhmi cu saram nih ei hna seh. Nan mitsur dum le oliv dum zong cu bantuk ṭhiamṭhiam in nan tuah lai.

BIACEIHTU 15:4

Cucaah Samson cu a kal i cenghngia za thum a va tlaih hna i meifar tom kha aa lak hna i an mei cu a peh hna i an mei tuah khat karlak lengmang ah khan meifar tom pakhat lengmang a ṭem chih.

BIACEIHTU 15:6

Cun Filistin mi nih, “Aho nih dah mah hi a tuah?” tiah an ti. Cun annih nih, “Timnah mipa i a tupa, Samson nih khan a tuah, zeicahtiah a nupi kha a lakpiak i a hawipa kha a pek,” tiah an ti. Cun Filistin mi cu an ra i amah le a pa kha mei in an khangh hna.