BIACEIHTU 15:18 - Lai (Hakha) Common Language Bible 2006

¹⁸ Cun a ti a hal ngaingai i Bawipa kha a auh i, “Hi luatnak nganpi hi nangmah nih na salpa kut in na tlunter cang; atu ah hin tihal in ka thi i cuarpar tan lomi hna kut chungah ka tla ko lai maw?” tiah a ti.

BIACEIHTU 15:18 ပူးပေါင်းရင်းမြစ်များ

GENESIS 20:11

Abraham nih cun a leh ve i, “Hika ah hin Pathian a ṭihmi pakhat hmanh an um lai lo i ka nupi duh ah hin keimah tu kha an ka thah lai tiah ka rak ruah caah a si.

GENESIS 32:31

‘Jakob nih Peniel in a chuah ah ni zong a chuak ve, a khel ruangah cun a bei.

2 SAMUEL 1:20

Gath khua ah va thanh hlah u, Askelon khuachung lam zongah va chim hlah u, Filistin fanu hna kha an i lawm sual hnga i Cuarpartan lomi fanu hna kha an di a riam sual hnga.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

HEBRU 11:32

Ka chim lengmang ko rih hnga maw? Gideon tehna, Barak tehna, Samson tehna, Jefthah tehna, David tehna, Samuel tehna, le profet hna kong chim awk tampi a um ko nain a chimnak caan ka ngei ti lo.

BIACEIHTU 14:3

Sihmanhsehlaw a nu le a pa nih, “Na rualchan hna i an fanu hna lakah siseh, kan miphun vialte hna lakah siseh, nu an um lo caah maw cuarpar tan lomi Filistin mi hna lak i nupi ṭhit awkah na kal ko lai?” tiah amah cu an ti. Sihmanhsehlaw Samson nih a pa cu, “Ka ṭhitpiak ko, ka duh tuk cu ta,” tiah a ti.

BIACEIHTU 15:17

A biachim cu a dih tikah a kut chungin laa kharuh cu a hlonh i cu hmun cu Ramath-lehi tiah kawh a si.

BIACEIHTU 16:28

Cun Samson nih Bawipa kha a auh i, “Maw Bawipa Pathian, ka hngal ṭhan ko tiah kan nawl, ka ṭhawnter ṭhan ko tiah kan nawl, hi voi khatte hi cu, maw Pathian, Filistin mi hna cungah hin ka mit pahnih lak i pakhat caah hin phu ka hlam nakhnga, ka ṭhawnter ko,” tiah a ti.

BIACEIHTU 8:4

Cun Gideon le a sin i a ummi za thum hna cu Jordan tiva cu an phan i an tan, an ba ko, sihmanhsehlaw an dawi lengmang ko hna.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.