BIACEIHTU 15:14 - Lai (Hakha) Common Language Bible 2006

¹⁴ Lehi a phak tikah amah ton awkah cun Filistin mi cu au pah in an ra; cun Bawipa thlarau cu ṭhawng piin a cungah a tlung i a ban ṭemnak hri cu mei nih a tlaihmi khumhri bantuk ah a cang i an ṭemnak hri cu a kut in an tla ko.

BIACEIHTU 15:14 ပူးပေါင်းရင်းမြစ်များ

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 118:11

A kaa kip in an ka kulh, sihmanhsehlaw Bawipa ṭhawnnak thawngin ka tei dih hna!

SALM 18:34

Raltuk a ka cawnpiak i cucaah a ṭhawng bikmi likuk hmanh kha ka hman khawh.

EXODUS 14:3

Faro nih khan, ‘Israel mi cu ram chungah khan an vai sawhsawh ko, thetse ram nih a kulh hna,’ tiah a ruah lai.

EXODUS 14:5

Izipt siangpahrang Faro cu, Israel mi kha an kal cang, tiah an chimh tikah, amah le a bawi pawl cu ruahnak dang an hun ngei ṭhan i, “Zeidah kan rak tuah? Israel mi cu kan sal an sinak chung khan kan luatter hna ai!” an ti.

MIKAH 7:8

Maw ka ral hna, ka cungah nan diriam hlah u; Ka tlu cang, sihmanhsehlaw ka tho ṭhan lai; Atu cu muihnak chungah ka um, sihmanhsehlaw Bawipa nih ceunak a ka pek lai.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

BIACEIHTU 14:19

Cun Bawipa thlarau cu ṭhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir ṭhan.

BIACEIHTU 14:6

cun Bawipa thlarau cu ṭhawng ngaiin a cungah a tlung i chiandeih cu meheh fa thlehbaoh bantuk ceo khin a thlehbaoh dih ko; a kut in zeihmanh aa put fawn ṭung lo. Sihmanhsehlaw a tuahmi kha a nu siseh, a pa siseh, a chim hna lo.

BIACEIHTU 15:13

Annih nih, “Kan in that lai lo; a ṭem lawng kan in ṭem lai i an kut chungah kan in pek lai; kan in that hrim lai lo,” tiah amah cu an ti. Cucaah hri thar pahnih in an ṭem i lungpi chung cun an hun chuahpi.

BIACEIHTU 15:9

Cun Filistin mi cu an hung kal i Judah ram chungah khan an riak i Lehi kha an chim.

BIACEIHTU 16:12

Cucaah Delilah nih hri thar cu a lak hna i amah cu cu hri cun a ṭem i, “Samson, Filistin mi nih an in tlaih cang lai hih!” tiah a ti. Cun a bawhtu hna cu innchung chungchin ah an um. Sihmanhsehlaw a kut ṭemnak hri cu lazai bantuk men in a chah hna.

BIACEIHTU 16:24

Cun mi nih an hmuh tikah khan an pathian kha an thangṭhat i, “Kan pathian nih kan ral, kan ram a hrawkhraltu le tampi a kan thattu cu kan kut chungah a kan pek cang,” tiah an ti.

BIACEIHTU 16:9

Innchung chungchin in a bawhtumi a umter hna. Cun anih nih, “Samson, Filistin mi nih an in luhhnawh hih!” tiah a ti. Sihmanhsehlaw liza hna cu, khumhri phuai mei nih a tongh i a cah bak bantuk khin a chah bak ko hna. Cucaah a thazang biathli cu hngalh a si lo.

BIACEIHTU 3:10

Bawipa thlarau cu a cungah a tlung i Israel cu bia a ceih hna; raldoh awkah khan aa thawh i Mesopotamia siangpahrang Kushan-rishathaim kha Bawipa nih a kut chungah a pek; Kushan-rishathaim kha a tei.

BIACEIHTU 5:30

‘Hranchaw kha an hmu i an i phaw, a si lai lo maw? Pa pakhat caah nu pakhat maw pahnih cio dik; Sisera caah si in chumhmi puan hranchaw, Puan hranchaw si in chumh i tenhmi, Ka hngawng i i ngerh awkah, si in chumhmi puan tenhmi pahnih,’ a ti.

1 SAMUEL 10:10

Gibeah kha an phak tikah, zohhmanh, profet bu khat nih an rak ton; cu Pathian thlarau cu ṭhawng ngaiin a cungah a tlung i an lakah a holh cukmak len ve ko.

1 SAMUEL 10:6

Cun Bawipa thlarau cu na cungah ṭhawng ngaiin a tlung lai i nang zong an lakah na holh cukmak ve lai i midang ah naa cang lai.

1 SAMUEL 11:6

Cun hi bia kha Saul nih a theih tikah Pathian thlarau cu Saul cungah hmual fak piin a tlung i fak piin a thin a hung.

1 SAMUEL 17:35

ka dawi tawn i ka tuk i a ka chung khan ka chuah tawn; cun a rak ka zuanh a si ahcun a hmurhmul in ka tlaih i ka tuk i ka thah tawn.

1 SAMUEL 4:5

Bawipa biakamnak kuang cu riah-hmun chungah a phak tikah, Israel mi vialte cu fak piin an au i cucaah vawlei zong kha a tlerh dih.