BIACEIHTU 14:17 - Lai (Hakha) Common Language Bible 2006

¹⁷ Cun an puai chung, ni sarih chung cu a hmaiah a ṭap i fak piin a hnek lengmang caah, a ni sarihnak ni ah cun a chimh. Cun anih nih biahleng cu a ram mi hna kha a chimh hna.

BIACEIHTU 14:17 ပူးပေါင်းရင်းမြစ်များ

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

JOB 2:9

Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti.

PHUNGTHLÛKBIA 7:21

Lemsoinak bia tam piin a lem i a biathlum in a hnek khawh.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

LUKA 11:8

A si ahcun zeitindah a tuah kun lai? Amah cu na hawi a si ruangah a tho in na herhmi changreu kha an pe lai lo nain ningzak loin na hal peng hrat caah khan, na herhmi paoh cu an pek ko lai.

BIACEIHTU 14:16

Cun Samson nupi cu a hmaiah a ṭap i, “Na rak ka daw lo i na rak ka huat a si ko hi ta; ka ram mi hna cu biahleng na hal hna, asinain zei a si cu na ka chim ṭung lo,” tiah a ti. Cun anih nih, “Zohhmanh, ka nu siseh ka pa siseh ka chim hna lo i nangmah cu kan chimh lai maw?” tiah a ti.

BIACEIHTU 14:18

Cun cu khuami hna nih cun a sinah, ni sarihnak ni, ni a tlak hlanah, “Zeidah khuaihliti nakin a thlum deuh? Zeidah chiandeih nakin a ṭhawng deuh?” tiah an ti. Cun anih nih an sinah, “Ka cawla in rak ka thuang hlah u law, Ka biahleng hi nan rak hngal kho hnga lo,” tiah a ti.

BIACEIHTU 16:13

Cun Delilah nih Samson cu, “Atu tiangin na ka hlen lengmang ko i lih na ka chimh; zeitindah ṭem khawh na si hnga, ka chim ko,” tiah a ti. Cun anih nih, “Ka lu cung samphiar phiar sarih hi thiam ah na tah chih i tahtlem in fek tein na khawn chih ahcun ka der lai i midang bantuk ka si ve ko lai,” tiah a ti.

BIACEIHTU 16:16

Cun ni khat hnu ni khat a bia in a rial lengmang i a lem lengmang tikah, a lungthin cu thih tiangin a ing a puang.

BIACEIHTU 16:6

Cun Delilah nih Samson cu, “Zaangfahnak tein khuazei ah dah na thazang nganpi hi a um i tei khawh na si nakhnga zeitindah ṭem na si hnga, ka chim tuah,” tiah a ti.