BIACEIHTU 13:20 - Lai (Hakha) Common Language Bible 2006

²⁰ Cun biakṭheng cungin meizik cu van i a kai lioah, Manoah le a nupi nih an zoh ko lioah khan, Bawipa vancungmi cu biakṭheng meizik chung cun a kai, cun vawlei ah an bawk.

BIACEIHTU 13:20 ပူးပေါင်းရင်းမြစ်များ

GENESIS 17:3

Cun Abram cu a khuk aa bil i a bawh lioah Pathian nih cun,

2 SIANGPAHRANG 2:11

Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an ṭhen hna. Cun Elijah cu phuchim in vancung ah a kai.

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

1 CHANRELNAK 21:21

David cu Ornan sin lei i a rat lioah khan. Ornan nih cun a hei zoh i David kha a hmuh i phuhri cun a va chuak i vawlei lei hoih in David cu upatnak kha a pek.

1 CHANRELNAK 21:26

Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.

SALM 47:5

Pathian cu a bawiṭhutdan cungah cun a hung kai; Bawipa a hung kai lioah cun lunglawmhnak au thawng le muko tum thawng a thang.

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

EZEKIEL 1:28

Ruahpi a sur ni ah khuadawm lak i chuncha a chuah bantuk khin a velchum i a ceumi cu a um. Bawipa sunparnak a muisam cu cu bantuk cu a si. Cucu ka hmuh tikah ka bawk i aw pakhat ka theih.

DANIEL 10:9

A bia thawng cu ka theih tikah vawlei ah ka tlu i mangcanghlan in ka um i ka bawk.

LEVITIKAS 9:24

Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

MATTHAI 17:6

A zultu pawl nih aw kha an theih tikah an thin a phang tuk i vawlei ah an bawk.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

BIACEIHTU 6:19

Cucaah Gideon cu a inn chungah a vung lut i meheh fa pakhat le changvut ephah pakhat in sermi thilnu cawh lo changreu kha a timhlamh; sa cu bawm chungah a khumh i a hang cu um chungah a chiah i a sinah kuhthing toiah cun a rak put hna i a pekchanh.

BIACEIHTU 6:21

Khi tikah Bawipa vancungmi nih a kut i aa putmi ṭhiangṭhunh par cun, sa le thilnu cawh lo changreu kha a hei sawh hna i a tawngh hna; cun lung cun mei a tho i sa le thilnu cawh lo changreu cu a kangh dih hna; cun Bawipa vancungmi cu a mit hmuh lo ah a lo.