BIACEIHTU 13:1 - Lai (Hakha) Common Language Bible 2006

¹ Cun Israel mi nih Bawipa mithmuh i a ṭha lomi kha an tuah ṭhan hoi i Bawipa nih Filistin mi kut chungah kum sawm li a pek hna.

BIACEIHTU 13:1 ပူးပေါင်းရင်းမြစ်များ

JEREMIAH 13:23

Ethiopia mi nih a cuar kha aa thlen khawh maw? Cakei nih tah a ṭial kha aa thlen khawh maw? I thleng kho hna seh law cu, nannih ṭhat lonak dah ti lo zeidang tuah a thiam lomi zong nih hin ṭhatnak kha nan tuah ve hnga.

ROM 2:6

Pathian nih cun aho paoh kha an tuahmi ningin a rulh hna lai.

HEBRU 11:32

Ka chim lengmang ko rih hnga maw? Gideon tehna, Barak tehna, Samson tehna, Jefthah tehna, David tehna, Samuel tehna, le profet hna kong chim awk tampi a um ko nain a chimnak caan ka ngei ti lo.

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 10:7

Cun Bawipa thinhunnak cu Israel cungah a alh i Filistin mi hna kut chungah le Ammon mi hna kut chungah a zuarh hna i

BIACEIHTU 12:15

Cun Pirathon mi Hillel fapa Abdon cu a thi i Amalek mi tlangram chung i a ummi Efraim ram chungah, Pirathon khua ah an vui.

BIACEIHTU 14:4

A nu le a pa nih mah cucu Bawipa sinin a si kha an hngal lo; zeitintiah Filistin mi kha doh awkah caan rem a kawl. Cun caan lioah cun Filistin mi nih Israel mi kha an uk hna.

BIACEIHTU 15:11

Cun Judah ram mi cu mi thong thum Etam lungpi kak ah cun an vung kal i Samson cu, “Filistin mi hi a kan uktu an si hi na hnga lo maw? Cu ti a si ṭung ah cun, kan cung i na tuahmi hi zeidah a si kun?” tiah an ti. Cun anih nih, “Ka cungah an tuah bantukin pei an cungah ka tuah ve ko cu,” tiah a ti.

BIACEIHTU 15:20

Cun Filistin mi hna chan ah Israel mi cu kum kul bia a ceih hna.

BIACEIHTU 2:11

Cun Israel mi nih Bawipa mithmuh i thil ṭhalo a simi kha an tuah i Baal kha an biak hna.

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.

BIACEIHTU 4:1

Cun Ehud thih hnuah, Israel mi nih Pathian mithmuh i thil ṭhalo kha an tuah ṭhan hoi.

BIACEIHTU 6:1

Israel mi nih Bawipa mithmuh i a ṭha lomi kha an tuah i Bawipa nih Midian kut chungah kum sarih a pek hna.

1 SAMUEL 12:9

Sihmanhsehlaw Bawipa an Pathian kha an philh i Hazor siangpahrang Jabin i a ralkapbu haotu Sisera kut chungah khan le Filistin mi hna kut chungah le Moab siangpahrang kut chungah khan a zuarh hna; cun annih nih an tuk an doh hna.

1 SAMUEL 4:9

Nan ralṭha ko uh, maw Filistin mi hna, pa bantukin um uh, cu ti a si lo ahcun, nannih tang ah sal an si bantuk hin, anmah Hebru mi tangah hin sal nan si sual lai; pa bantukin um u law, do hna u,” tiah an ti.

1 SAMUEL 7:13

Cucaah Filistin mi hna cu an sung i Israel mi hna ram ah khan an lut ṭhan ti lo, Samuel nun chung vialte cu Filistin mi kha Bawipa kut nih khan a ralchanh hna.