BIACEIHTU 12:1 - Lai (Hakha) Common Language Bible 2006

¹ Efraim mi hna cu, hriamnam i lak u, tiah ti an si i Zafon ah an va kal i Jepthah sinah cun, “Zeicahdah Ammon mi hna doh awkah tiva kha na tan i kannih kha nangmah sin i kal awkah na kan auh lo? Na inn ah kan in duah chih lai,” tiah an ti.

BIACEIHTU 12:1 ပူးပေါင်းရင်းမြစ်များ

SALM 109:4

Ka daw ko hna na le an caah thla ka cam ko nain an ka doh.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

HOSEA 13:1

Efraim phun mi nih bia an chim tikah midang nih khan an rak ṭih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.

MARKA 3:24

Ram pakhatkhat cu a bubu in aa ṭhen i anmah le anmah kha an i doh ahcun, zeitindah cu ram cu a dir khawh lai?

JOHAN 10:32

Annih kha Jesuh nih cun a thawh hna i, “Ka Pa nih a ka fialmi thil ṭha tampi nan hmaiah ka tuah hna; hi thil hna lakah hin a zei ruangte ah hin dah lung in cheh nan ka duhnak cu a si?” tiah a ti hna.

JEIM 3:16

Nahchuahnak le mah zawn lawng ruahnak a umnak paoh ah i rem lonak le ṭhat lonak a phunphun kha a um zungzal.

BIACEIHTU 11:40

Israel mi fanu hna nih kum khat hnu kum khat Gilead mi Jepthah fanu kha kum khat ah ni li lengmang an ngaih.

BIACEIHTU 12:2

Cun Jepthah nih annih cu, “Keimah le ka mi hna nih Ammon mi hna he ralnak fakpi kan rak ngei; cun kan auh tik hna ah an kut chungin nan ka chuah lo.

BIACEIHTU 14:15

A ni linak ni ah Samson nupi cu, “Na va cu, biahleng kha zei a si a kan chimh nakhnga lem tuah, cu ti a si lo ahcun nangmah le na pa innchungkhar cu mei in kan in khangh hna lai. Kannih kha sifak i umter awkah maw hika ah na kan sawm?” tiah an ti.

BIACEIHTU 15:6

Cun Filistin mi nih, “Aho nih dah mah hi a tuah?” tiah an ti. Cun annih nih, “Timnah mipa i a tupa, Samson nih khan a tuah, zeicahtiah a nupi kha a lakpiak i a hawipa kha a pek,” tiah an ti. Cun Filistin mi cu an ra i amah le a pa kha mei in an khangh hna.

BIACEIHTU 8:1

Cun Efraim mi nih amah cu, “Kan cung i na tuahmi hi zeidah a si, zeicahdah Midian doh awkah na kal tikah na kan kawh ve lo?” tiah an ti. Cun fak piin an sik.