BIACEIHTU 11:8 - Lai (Hakha) Common Language Bible 2006

⁸ Cun Gilead upa hna nih Jepthah cu, “Cucaah cun pei atu cu, kan sin i na kal i Ammon mi cu na doh hna i Gilead chung i a ummi vialte i kan lu na si nakhnga, nangmah leiah kan i mer cu,” an ti.

BIACEIHTU 11:8 ပူးပေါင်းရင်းမြစ်များ

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

EXODUS 10:17

Cucaah atu voi khatte hi cu, ka sualnak kha ka ngaithiam u law hi thihnak dantatnak hi Bawipa nan Pathian nih a ka ṭhialpiak nakhnga amah sinah cun thla ka campiak u,” a ti hna.

EXODUS 8:28

Faro nih cun, “Lamhlapi nan kal lo ding ahcun, thetse ram ah khan Bawipa nan Pathian sin i raithawi awkah cun kan kalter ko hna lai. Thla ka campiak tuah u,” a ti hna.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

EXODUS 9:28

Bawipa sinah cun thlacam u; hi khuari le rial hi kan ing kho ti hna lo. Nan kal lai, tiah bia kan kam hna, sau nan hngah a hau ti lai lo,” a ti.

BIACEIHTU 10:18

Cun mizapi, Gilead ram hruaitu hna cu pakhat le pakhat an i chawn i, “Ammon mi doh a thawktu cu ahodah a si lai? Gilead ram chung i a ummi vialte hna i an haotu ah a si lai,” tiah an ti.

BIACEIHTU 11:9

Jepthah nih Gilead upa hna cu, “Ammon mi hna he i doh awkah inn i nan ka tlunpi ṭhan a si i, annih cu Bawipa nih keimah kha a ka pek ahcun nan lu ka si hnga,” tiah a ti hna.