BIACEIHTU 11:2 - Lai (Hakha) Common Language Bible 2006

² Cun Gilead nupi zong nih cun fapa hna a hun hrinpiak i a nupi fapa hna cu an hung ṭhan tikah Jepthah cu an hlonh i amah cu, “Nang cu kan pa inn chungah ro na co lai lo, nu dang fa na si caah,” an ti.

BIACEIHTU 11:2 ပူးပေါင်းရင်းမြစ်များ

GENESIS 12:10

Sihmanhsehlaw cuka ram ah cun rawl a um lo i mangṭam cu a fah ngaingai caah Abram cu Izipt ram i caan tlawmpal vung um ta awkah khan thlanglei kha a panh chin lengmang.

GENESIS 21:10

Cucu Sarah nih a hmuh i, “Hi salnu le a fapa hi ṭhawl hna. Ka fapa Isak nih a co awk hnga a simi na chawva vialte hi, hi salnu fapa nih hin a tinco ve awk a si hrimhrim lo,” a ti.

PHUNGTHLÛKBIA 2:16

Nu zuangzam sinin an khamh lai i nu ralṭha, bia thlumthlum a hmang i

PHUNGTHLÛKBIA 5:20

Ka fapa, zeicahdah mi zuangzam cu na duh i nu ralṭha cu na pom?

PHUNGTHLÛKBIA 5:3

Nu zuangzam hmur in khuaihliti dor an tla i a biachimmi cu chiti nakin a nal deuh.

GALATI 4:30

Sihmanhsehlaw Cathiang nih zeitindah a ti kha? “Sal nu le a fa kha ṭhawl hna, zeicahtiah salnu fapa nih a luatmi nu fapa he an pa ro kha i hrawm hlah seh,” a ti a si lo mei?

DEUTERONOMI 23:2

“Lakfa cu Bawipa mi hna aa pummi chungah a lut lai lo; chan hra tiang hmanh in a tefa hna nih Bawipa mi hna aa pummi chungah cun an lut lai lo.

BIACEIHTU 11:1

Gilead mi Jepthah cu a ṭhawngmi ralkap a si, sihmanhsehlaw amah cu hlawhhlangnu fapa a si. Gilead cu Jepthah pa a si.

BIACEIHTU 11:3

Khi tikah Jepthah cu a unau hna sinin a zam i Tobram ah a um; cun santlailo pawl kha Jepthah sinah cun an i pumkhawm i amah he cun ral an hranh tawn.