BIACEIHTU 1:4 - Lai (Hakha) Common Language Bible 2006

⁴ Cun Judah cu a hung kal i Kanaan mi hna le Periz mi hna cu Bawipa nih an kut chungah a pek hna i Bezek khua ah an mi sang khat an tei hna.

BIACEIHTU 1:4 ပူးပေါင်းရင်းမြစ်များ

1 SIANGPAHRANG 22:15

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

SALM 44:2

Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

BIACEIHTU 1:3

Cun Judah nih a unau Simeon sinah cun, “Kanaan mi kha kan hung doh hna nakhnga, keimah covo ram ah cun hung ka kalpi tuah; cun cu bantuk ṭhiamṭhiam in kei zong nih na covo ram ah cun kan kalpi ve lai,” tiah a ti. Cucaah Simeon nih a hun kalpi.

BIACEIHTU 1:5

Bezek khua ah cun Adoni-bezek an hmuh i an doh i Kanaan mi le Periz mi cu an tei hna.

BIACEIHTU 11:32

Cucaah Jepthah cu anmah doh awkah khan Ammon mi hna sinah cun a va kal i Bawipa nih annih cu amah kut chungah khan a rak pek hna.

BIACEIHTU 3:5

Cuticun Israel mi hna cu Kanaan mi le Hit mi le Amor mi le Periz mi le Hiv mi le Jebus mi hna lakah cun an um i,

1 SAMUEL 11:8

Bezek ah a pumh hna tikah, Israel mi cu sing thum an si i Judah mi cu sang thum an si.

1 SAMUEL 14:10

Sihmanhsehlaw annih nih, ‘Kan sinah hung tuah u,’ an ti ahcun, kan hung kal lai; zeitintiah mah hihi Bawipa nih annih cu kan kut chungah a kan pek cang ti hmelchunhnak a si lai,” tiah a ti.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.