BIACEIHTU 1:28 - Lai (Hakha) Common Language Bible 2006

²⁸ Israel mi cu an hung ṭhawn tikah Kanaan mi hna cu hnekmi rian an ṭuanter hna, sihmanhsehlaw an dawi dih cikcek hna lo.

BIACEIHTU 1:28 ပူးပေါင်းရင်းမြစ်များ

GENESIS 9:25

aa thawh i, “Kanaan cungah chiat tlung ko seh; a unau hna sal a si lai,” a ti.

GENESIS 9:26

Cun aa thawh ṭhan i, “Shem Pathian Bawipa cu thangṭhat ko u. Kanaan cu Shem sal a si lai.

1 SIANGPAHRANG 9:21

Israel mi nih an hrawh dih khawh lomi hna, an hnu i an tefa a rung tangmi hna kha — mah hna hi Solomon nih hnekmi rianṭuantu sal bu ah a ser hna i cu bang cun nihin tiang hin an si.

PHUNGTHLÛKBIA 12:24

Miteima cu uktu an si lai, sihmanhsehlaw mithathu cu an thathutnak nih mi sal ah a canter hna lai.

DEUTERONOMI 20:11

An lehnak hna cu remnak a si i nan sinah aa hun ahcun, cu chung i a ummi mi vialte cu nan caah hnekmi rian a ṭuantu an si lai i an in rianh hna lai.

JOSHUA 17:13

Sihmanhsehlaw Israel mi kha an hung ṭhawn tikah Kanaan mi hna cu hnekmi rian kha an ṭuanter hna i an dawi dih cikcek hna lo.

BIACEIHTU 1:27

Manasseh nih Beth-shean le a khuate hna i a ummi si hna seh, Taanak le a khuate hna i a ummi si hna seh, Dor le a khuate hna i a ummi si hna seh, Ibleam le a khuate hna i a ummi si hna seh, Megiddo le a khuate i a ummi si hna seh, a dawi hna lo; sihmanhsehlaw Kanaan mi hna cu cu ram ah cun an i benh peng ko.

BIACEIHTU 1:29

Efraim nih Gezer i a ummi Kanaan mi kha an dawi hna lo; sihmanhsehlaw Kanaan mi cu an lakah Gezer ah cun an um ko.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.