BIACEIHTU 1:16 - Lai (Hakha) Common Language Bible 2006

¹⁶ Cun Moses pu, Ken miphun a simi i a tefa hna kha ungkung khua in Negeb chung i a ummi Arad pawng i a ummi Judah ramlak ah khan Judah mi hna he an hung kal i an lakah cun an hung um.

BIACEIHTU 1:16 ပူးပေါင်းရင်းမြစ်များ

1 CHANRELNAK 2:15

a paruknak Ozem le a pasarihnak David hna pa kha a si;

1 CHANRELNAK 2:55

(A tanglei innchungkhar hna hi caṭial le caṭialchin a thiam ngaingaimi an si i Jabez khua ah a ummi an si: Tirath mi, Shimeath mi le Sukath mi an si. Annih hi Ken mi, Rekhab mi he aa ṭhi-ummi kha an si. Rekhab mi hna pa cu Hammath a si.)

2 CHANRELNAK 28:16

Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.

EXODUS 18:1

Midian ram tlangbawi Jethro, Moses pu nih khan, Moses le Israel mi hna caah Pathian nih a tuahmi vialte le Bawipa nih Izipt ram in a chuahpi hna ning kha a rak theih.

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 18:27

Cun Moses nih a pu cu a kalter i amah ram leiah khan a tlung.

EXODUS 18:7

Amah ton awkah khan Moses cu a kal i a hmaiah a kun i a hnamh. Pakhat le pakhat cu an dam dam lo kong kha an i hal i thlam chungah khan an lut.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

JEREMIAH 35:2

“Rekhab mi hna sinah va kal law, va chawn hna law, Bawipa inn ah a dal pakhat chungah hin rak luhpi hna; cun mitsur zu kha din awkah pe hna,” a ti.

NAMBAR 21:1

Kanaan miphun Arad ram siangpahrang, Negeb i a ummi nih Israel mi hna cu Atharim lam in an ra ti kha a theih tikah, Israel cu a doh i tlawmpal cu sal ah a tlaih hna.

MATTHAI 3:1

Cu caan ah cun Tipil petu Johan kha a hung chuak i Judea ram ramcar chungah khan phung a chim.

DEUTERONOMI 34:3

Negeb ram, cun Nelrawn — ungkung khua Jeriko nelrawn timi cu — Zoar tiangin.

DEUTERONOMI 34:4

Cun Bawipa nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti.

JOSHUA 12:14

Hormah siangpahrang, pakhat; Arad siangpahrang, pakhat;

JOSHUA 18:21

An innchung khar ning cio ah Benjamin phun khua hna cu mah hihi an si: Jeriko, Beth-hoglah, Emek-keziz,

BIACEIHTU 1:15

Cun anih nih, “Laksawng pakhat in ka pe tuah; Negeb ram chungah na ka chiah caah tiput zong ka pek chih tuah hna,” tiah a ti. Cun Kaleb nih chaklei tiput hna le thlanglei tiput hna kha a pek chih.

BIACEIHTU 3:13

Ammon mi hna le Amalek mi hna kha a pumh hna i a kal i Israel kha a tei; cun ungkung khua kha an lak.

BIACEIHTU 4:11

Ken mi Heber cu Moses pu Hobab i tefa Ken mi hna sin khan aa ṭhen i Kedesh pawng Zaanannim ram i a ummi kuhthing hmun tiangin a puan thlam cu a va bunh.

BIACEIHTU 4:17

Sihmanhsehlaw Sisera cu a ke in Ken mi Heber i nupi Jael thlam ah a zam; zeitintiah Hazor siangpahrang Jabin le Ken mi Heber chung hna karlak ah cun remnak a um.

1 SAMUEL 15:6

Cun Saul nih Ken mi hna cu, “Kal u law, i ṭhen u, Amalek mi hna sinin vung kal u; cu ti a si lo ahcun, anmah sinah kan hrawh chih sual hna lai; zeitintiah Izipt ram in an hung chuah lioah khan nannih nih Israel mi vialte cu nan rak zaangfah hna,” tiah a ti. Cucaah Ken mi hna cu Amalek mi hna sin khan an i ṭhen.

1 SAMUEL 27:10

Akhish nih, “Nihin ah ahodah na hung hranh?” ti i a hal tikah, David nih, “Judah ram Negeb,” tiin maw, “Jerahmeel mi hna Negeb,” tiin maw, “Ken mi hna Negeb,” tiin maw, a ti tawn.

1 SAMUEL 30:29

Rakal i a ummi hna le Jerahmeel mi hna khua i a ummi hna le, Ken mi hna khua i a ummi hna le,