BIACEIHTU 1:10 - Lai (Hakha) Common Language Bible 2006

¹⁰ Cun Hebron i a ummi Kanaan mi hna cu Judah mi nih cun an fuh hna i Sheshai le Ahiman le Talmai kha an tei hna. (Hebron cu, hlanah cun a min ah Kiriath-arba a si).

BIACEIHTU 1:10 ပူးပေါင်းရင်းမြစ်များ

GENESIS 23:2

Kanaan ram chung Kiriath-arba khua ah a thi (Kiriath-arba cu Hebron ti zongah ti a si). Abraham nih khan a ruak tuamhlawmnak ding cu a tuah i a ṭah.

GENESIS 37:14

A pa nih cun a thawh i, “Va kal law na ule kha an dam dam lo va zoh hna law saṭil zong cu an i nincan le nincan lo va zoh hna; cun bia rak ka phorh te,” a ti. Cuticun a pa nih khan Hebron nelrawn khan a thlah. Shekhem kha a va phak tikah

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

NAMBAR 13:22

Negeb ah an hung lut i Hebron kha an phan i cuka ah cun Anak tefa hna Ahiman, Sheshai le Talmai kha an rak um. (Hebron cu Izipt ram i Zoan hlan kum sarih ah rak tlakmi a si.)

NAMBAR 13:33

Cuka ah cun Nefilim mi (Nefilim in a chuakmi Anak fapa hna kha) kan hmuh hna i kanmah le kanmah cu khaubawk bantuk ceo ah khin kan i hmu i annih sin zongah cu bantuk cu kan si ko,” tiah an ti.

JOSHUA 10:36

Cun Joshua cu Israel mi vialte he Eglon in Hebron ah an hung kal i an hung doh;

JOSHUA 14:15

Hebron khua min cu a hlanah cun Kiriath-arba a rak si; hi Arba cu Anak mi hna lakah mingan bik a rak si. Cun ram cu raldohnak in aa din.

BIACEIHTU 1:20

Cun Moses nih a rak chim bang khan Hebron cu Kaleb an pek i Anak fapa pathum hna kha, cu ka cun a dawi hna.

BIACEIHTU 1:9

Cun a hnuah, tlangram le Negeb le rawnram i a ummi Kanaan mi hna kha doh awkah Judah mi hna cu an ṭum.