AMOS 9:9 - Lai (Hakha) Common Language Bible 2006

⁹ Keimah nih nawlbia kha ka chuah lai i Miphun vialte hna lakah khan Israel mi cu ka vamh hna lai, Mi nih fingrilh an rilh i cu fingrilh chungin lungtekem pakhat hmanh vawlei ah a tlak lo bantukin Israel mi cu ka rilh hna lai.

AMOS 9:9 ပူးပေါင်းရင်းမြစ်များ

ISAIAH 27:12

Cu ni ah cun, Bawipa hrimhrim nih a mi Israel mi kha an bia a ceih hna lai, khattelei deng in khattelei deng tiang, Zufrates tiva in Izipt ramri tiang. A ṭhami le a ṭha lomi kha a ṭhen hna lai.

ISAIAH 28:28

Changvut fang cu parh cikcek in a naang bal lo, a fang kha rawk lo tein cawleng kha a rialter.

ISAIAH 30:28

Zeizong vialte a fenh dihtu ti lian bantukin thlitu kha a hmaiah a kalter. Miphun tampi kha a hrawh hna i a ṭha lomi an khuakhannak kha pakpalawng ah a canter.

JEREMIAH 31:36

Thil umtuning ka chiahmi hi ka hmaika in a loh khawh a si ahcun, Cu tik bel ah Israel tefa hna cu ka hmaika i miphun si ti lo dingin an lo ve hnga, tiah Bawipa nih a ti.

JEREMIAH 46:28

Bawipa nih, ṭih hlah, maw Jakob, ka sal, Zeicahtiah na sinah ka um ko. Nanmah kan dawi hnanak miphun hna cu an donghnak phakter hna hmanh ning law nannih cu kan donghter hna lai lo. Nan i tlak bantukin dan in tat hna hmanh ning law, A hloh cu kan hlo hna lai lo, tiah a ti.

JEREMIAH 49:36

Van ṭhen li i ṭhenmi khan Elam cungah thli pali ka tlunter lai; Hi thli pali hna sinah hin ka ṭhek hna lai i Elam ram in saltang an phanh lonak miphun zeihmanh an um lai lo.

EZEKIEL 20:38

Keimah a ka dohtu le a ka raltu kha nan sinin ka ṭhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.

EZEKIEL 36:19

Miphun kip sinah ka ṭhek hna i ram dangdang ah an i ṭhen dih; an ziaza le an tuahsernak nih a hlawhmi dantatnak kha an cungah ka tlunter.

EZEKIEL 39:28

Miphun dang hna lak i sal i tan awk i a kaltertu hna keimah nih pakhat hmanh hnulei ah kaltak loin anmah an vawlei ah khan ka pumh ṭhan hna lai caah keimah cu Bawipa an Pathian ka si kha an ka hngalh lai.

EZEKIEL 5:10

Cucaah maw Jerusalem, na chungah hin pale nih an fale kha an ei hna lai i fale nih an pale kha an ei hna lai; na cungah hin biakhiahnak ka tuah lai i na chung i a tangmi hna paoh cu khuazakip ah ka ṭhek dih hna lai.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

LUKA 22:31

Jesuh nih, “Simon, Simon, ngai-hmanh. Lothlotupa nih facang cu a fang le a hi a thleidan bantukin Satan nih nannih cu nan dihlak in hneksaknak nawl kha a hmuh cang.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.