AMOS 9:8 - Lai (Hakha) Common Language Bible 2006

⁸ Zohhmanh, Bawipa Pathian nih hi a sualmi pennak cungah hin ka mit ka chiah i, Vawlei cung hin ka hloh lai,” tiah a ti. Asinain Jakob tefa hna cu an ci an ruang in ka hlo hna lai lo, tiah Bawipa nih a ti.

AMOS 9:8 ပူးပေါင်းရင်းမြစ်များ

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

GENESIS 7:4

Ni sarih chungah vawlei cungah hin ruah ni sawm li le zan sawm li ka surter lai i ka sermi thil nung vialte cu hrawh an si dih lai,” tiah a ti.

1 SIANGPAHRANG 13:34

Cun mah hihi Jeroboam innchungkhar an ci a hmittu le vawlei cungin a hrawktu hna sualnak ah khan a cang.

PHUNGTHLÛKBIA 15:3

Bawipa nih khuazei ka i thil a ummi hmanh kha a hmuh dih, ṭhatnak kan tuah ah siseh, chiatnak kan tuah ah siseh, a kan hmuh dih ko.

PHUNGTHLÛKBIA 5:21

Zeicahtiah mi nih a zulhmi a lam vialte cu Bawipa nih a hmuh dih ko i Bawipa nih cun a lam vialte cu a zoh dih ko.

JEREMIAH 30:11

Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

JEREMIAH 46:28

Bawipa nih, ṭih hlah, maw Jakob, ka sal, Zeicahtiah na sinah ka um ko. Nanmah kan dawi hnanak miphun hna cu an donghnak phakter hna hmanh ning law nannih cu kan donghter hna lai lo. Nan i tlak bantukin dan in tat hna hmanh ning law, A hloh cu kan hlo hna lai lo, tiah a ti.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

HOSEA 1:4

Cun Bawipa nih a thawh i, “A min ah Jezreel va sak tuah; Zeicahtiah Jezreel i thisen an chuahmi ruangah khan Jehu tefa hna cu dan ka tat hna lai i Israel pennak cu ka donghter lai.

HOSEA 1:6

Fa a pawi ṭhan i fanu a hrin i Bawipa nih a thawh i, “A min ah Lo-ruhamah tiah sak tuah, Zeicahtiah Israel cu ka hram bal ti lai lo i ka ngaihthiam bal ti lai lo,” tiah a ti.

JOEL 2:32

Sihmanhsehlaw Bawipa kha bawmhnak a halmi paoh nih khamhnak an hmuh lai. Bawipa nih a chim bangin, Zion Tlang cungah le Jerusalem khuachung ka khatkhat ah, a luatmi hna cu an um lai. Bawipa nih a thimmi hna cu an nung lai.”

AMOS 3:12

Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

AMOS 9:10

Ka mi hna lak i misual, ‘Vanchiatnak cu kan pawng na phakter lai lo i a ton zong na kan tonter lai lo,’ a timi hna cu vainam in an thi lai.

AMOS 9:4

An ral hna nih sal ah a bubu in an hruai hna zongah, Khika zongah cun vainam kha that hna ka ti ṭhiamṭhiam lai; An ṭhatnak ding caah si loin a chiatnak ding caah An cungah ka mit kha ka chiah peng ko lai.

DEUTERONOMI 4:31

zeitintiah Bawipa nan Pathian cu zaangfah thiammi Pathian a si; an deuh hna lai lo, an hrawk hna lai lo, nan pupa hna sin i chiatser in biakamnak a tuahmi zong cu a philh fawn lai lo.

DEUTERONOMI 6:15

zeitintiah nannih lakah a ummi Bawipa nan Pathian cu Pathian nahchuak a si i Bawipa nan Pathian thinhunnak cu a alh i vawlei cungin nannih cu an hrawh sual hna nakhnga lo, nan zul hna lai lo.