AMOS 9:7 - Lai (Hakha) Common Language Bible 2006

⁷ Israel mi hna, nannih cu ka caah Kush mi bantuk nan si lo maw? Israel mi cu Izipt ram in, Filistin mi cu Kaftor ram in, Aramean mi hna cu Kir ram in ka hunpi hna lo maw?

AMOS 9:7 ပူးပေါင်းရင်းမြစ်များ

2 SIANGPAHRANG 16:9

Cun Assiria siangpahrang nih a bia a rak ngaihpiak; Assiria siangpahrang nih Damaskas kha a hun kalhnawh i a lak i a mi kha Kir ah a kalpi hna i Rezin kha a thah.

2 CHANRELNAK 14:12

Cucaah Bawipa nih Ethiopia mi hna cu Asa le Judah mi hna hmaiah a tei hna i Ethiopia mi cu an zam.

2 CHANRELNAK 14:9

Ethiopia mi Zerah nih ralkap nuai khat le rangleng sing thum he a chuahhnawh hna i Mareshah tiang a ra phan.

EXODUS 12:51

Cu ni hrimhrim ah cun Bawipa nih Israel mi hna cu an bu an bu cio in Izipt ram khan a chuahpi hna.

ISAIAH 20:4

Hi ram pahnih hna chung mi a tlaihmi sal hna cu Assiria siangpahrang nih taklawng in a kalpi hna lai. Tar thlu lo, no thlu loin, ke lawng le taklawng in an kal lai i an chiaṭha zong kha a lang lai; cuticun Izipt ram cungah ningzahnak a tlunter lai.

ISAIAH 22:6

Elam ram in a rami ralkap hna cu rang an rak i cit i li le thal he an ra. Kir ram in a rami ralkap hna cu an phaw kha timh cia tein an um.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

JEREMIAH 13:23

Ethiopia mi nih a cuar kha aa thlen khawh maw? Cakei nih tah a ṭial kha aa thlen khawh maw? I thleng kho hna seh law cu, nannih ṭhat lonak dah ti lo zeidang tuah a thiam lomi zong nih hin ṭhatnak kha nan tuah ve hnga.

JEREMIAH 47:4

Zeicahtiah Filistin mi vialte hna hrawhnak ni cu a phan cang i Khuavengtu ralkap an dih cikcek tiangin Tair le Sidon cu hrawh an si lai. Kaftor tikulh in a rami Filistin mi hna cu Bawipa nih a hrawh hna lai.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

AMOS 1:5

Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu Bawipa bia a si.

AMOS 2:10

Amor mi hna ram co awkah Izipt ram in an chuahpitu hna kha keimah ka si i Ram car chungah kum sawm li an hruaitu hna kha keimah ka si.

DEUTERONOMI 2:23

Gaza tiangin khuate i a ummi Avvim hna cu, Kaftor in a rami Kaftor mi hna nih an hrawh hna i an umnak kha an rawlh hna.)