AMOS 9:2 - Lai (Hakha) Common Language Bible 2006

² Sheol i an vung kal hmanh ah, Khika hmanh cun ka kut nih a vun hnuh hna lai; Vancung i an kai zongah, Khika hmanh cun ka va ṭhumh hna lai.

AMOS 9:2 ပူးပေါင်းရင်းမြစ်များ

JOB 20:6

A sanlei cu van tawng in, a lu nih vanrang khi phan hmanh seh law,

JOB 22:13

Sihmanhsehlaw nang nih cun naa thawh i, ‘Pathian nih zeidah a hngalh? Muihnak nih a tuam i biaceih khawhnak ah khua a hmu kho lai lo;

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

JOB 26:6

Sheol cu Pathian hmaiah cun taklawng in a um i Abaddon cu a khuhnak a chin kha hun a si.

JOB 34:22

Thil ṭhalo tuahtu hna an i thuh khawhnak dingah Thihnak thladem a um lo i a thukmi muihnak zong a um lo.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

EZEKIEL 31:14

Cucaah ti ṭha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a ṭhawng bikbik hna zong, ti ṭha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

OBADIAH 1:4

Na umnak cu muvanlai bu tlukin sang in, na bu cu arfi hna lakah khin si ko hmanh seh law, Khika khin kaan ṭhumh ṭhiamṭhiam ko lai,” tiah Bawipa nih a ti.

LUKA 10:18

Jesuh nih a leh hna i, “Satan kha van in nimtlau bantukin a tlak kha ka hmuh.