AMOS 9:15 - Lai (Hakha) Common Language Bible 2006
15 Anmah cu anmahle an vawlei te ah khan ka phun ṭhan hna lai i Ka pekmi hna vawlei khan zeitikhmanh ah phawi an si ṭhan bal ti lai lo, tiah Bawipa nan Pathian nih a chim.”
Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.
Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.
‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.
‘Israel tefa hna chaklei ram in le a ṭhawl hnanak ram kip chungin, anmah le an vawlei cio i khuasakter ṭhan awkah a ratpitu hna Bawipa a nun bangin,’ ti in chiatsernak an tuah lainak caan kha a ra lio,” tiah Bawipa nih a ti.
An cungah ṭhatnak tuah dingin ka zohkhenh hna lai i an ram ah hin ka kirter ṭhan hna lai; ka sersiam hna lai i ka ṭhet hna lai lo, ka phun hna lai i ka phawi hna lai lo.
Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.
Zeicahtiah Ralkapbu Bawipa, Israel Pathian bia cu: Hi ram chungah hin inn hna, lo hna, mitsur dum hna, i zuarh i cawk an si ṭhan lainak caan a ra lio, ti hi.
Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.
An cungah kaa lawm lai i an ca i ṭhatnak tuah kha ka tha a nuam lai, cun zumh awk tlak tein ka lung le ka thin taktak in hi ram chungah hin ka phun hna lai.
annih cu na thawh hna lai i Bawipa Pathian nih hi bangin a ti, na ti hna lai, Israel mi cu ṭhek an sinak miphun hna chung khan ka lak hna lai i ram kip chung khan ka pumh hna lai i anmahle an hmunte ah khan ka chiah hna lai.
Ka sal Jakob ka pekmi ram, nan pupa hna umnak ram ah khan an um lai. Annih le an tefa hna cu khika ah zungzal in an um lai i ka sal David cu zungzal in an bawi a si lai.
An thahmi hna kha an phu ka hlam hna lai i A thattu hna kha ka luatter hna lai lo. Khi tikah Judah ram le Jerusalem khua cu mi nih an umnak zungzal cang hna lai i, Bawipa cu Zion Tlang cungah khua a sa lai.”
Pakhat le pakhat ahohmanh hnahnawhnak i pe lo tein Anmahle an mitsur ruang toi cio le an theipi kung toi cio ah khua an sa hna lai; Zeicahtiah hi bia cu ralkapbu Bawipa hrimhrim nih a chimmi a si.