AMOS 9:13 - Lai (Hakha) Common Language Bible 2006

¹³ Hi bangin Bawipa nih a ti: “Lei thuangtu nih rawl ṭuantu a zulh colh le Mitsur hang a nengtu nih a ci a tuhtu a zulh colh caan kha a ra lio. Tlang cung khan mitsur hang thar an luang thluahmah lai i Tlang kip cu rawl kung in an i hnin dulmal lai.

AMOS 9:13 ပူးပေါင်းရင်းမြစ်များ

GENESIS 49:11

A laa no kha mitsur ruang, mitsur ruang ṭha bik phun ah khan a hren; a thilpuan cu mitsur zu chungah khan a suk, a sen in a senmi mitsur zu chungah khan.

SALM 97:5

Bawipa hmaiah tlang cu khuaiseng bantukin an ti. vawlei cung dihlak Bawipa hmaiah cun khuaiseng bantukin an ti.

ISAIAH 16:10

Rawl tampi a rak chuahnak lo ah khan atu cu ahohmanh aa lawmmi an um lo. Mitsur dum chungah khan a aumi siseh, hla a sami siseh, ahohmanh an um lo. Ahohmanh zu ser awkah mitsur thei a nengmi an um lo, lunglawmhnak au thawng kha a dong cang.

ISAIAH 55:13

Atu i hlingbur an umnak hmun ah hin saipres thing an kho lai i hling lakah hin martal thing rimhmui an um lai. Hi hmelchunhnak hi zungzal in a hmunmi hmelchunhnak a si lai i Bawipa nih ka tuahmi an hngalhter ṭhantu hna a si lai,” a ti.

EZEKIEL 28:26

Khika ah khan lungdai tein an um lai i inn an sak hna lai i mitsur dum an ser hna lai; annih a nihsawhtu hna an pawngkam i a ummi hna cungah khan biaceihnak ka tuah tikah, annih cu lungdai tein an um lai. Cuticun keimah cu Bawipa an Pathian ka si kha an hngalh lai.

EZEKIEL 36:35

Mi nih an i thawh lai i hi ram ṭiaotak cangmi ram hi, Eden dum bantuk ah a cang ṭhan cang an ti lai. Hlan i a rak rawk i an rak bauh i an rak chimhmi khua, atu i ṭha tein kulh a si ṭhanmi hna chungah hin, mi khua an sa ṭhan lai.

JOEL 2:24

Phuhri cu rawl in an khat lai i Mitsur nennak khor cu mitsur hang le chiti in an liam lai.

JOEL 3:18

Khi caan a phak tikah tlang hna cu mitsur dum nih a khuh dih hna lai i Fing kip ah saṭil run kha an tlong lulhmalh lai. Judah ram vialte caah ti tampi a um lai. Bawipa biakinn in tiva pakhat a luang lai i Shittim Nelrawn kha ti a pek dih lai.

JOEL 3:20

An thahmi hna kha an phu ka hlam hna lai i A thattu hna kha ka luatter hna lai lo. Khi tikah Judah ram le Jerusalem khua cu mi nih an umnak zungzal cang hna lai i, Bawipa cu Zion Tlang cungah khua a sa lai.”

LEVITIKAS 26:5

Nan facil nih cun mitsur lawh caan cu a hei phak lai i mitsur lawh caan nih cun thlaici thlak caan a phak lai; nan rawl cu khim tein nan ei lai i nan ram chungah him tein khua nan sa lai.

AMOS 9:5

Bawipa ralkapbu Pathian nih vawlei kha a tawngh i a ti dih, A cung i a ummi vialte cu an ro dih; Nail tiva lian bantukin vawlei cu a tho i Izipt Tivapi bantukin a ṭum ṭhan.

JOHAN 4:35

Nannih nih, ‘Hi hnu thla li ah rawl ṭuan a cu lai,’ nan ti a si lo mei? Sihmanhsehlaw lo khi ṭha tein hei zoh hna hmanh u; rawl cu an hmin dih cang i ṭuan an cu diam cang.

BIACEIHTU 5:5

Bawipa hmaiah tlang hna cu an i hnin, Bawipa, Israel Pathian, hmaiah cun khi Sinai tlang cu aa hnin.