AMOS 9:1 - Lai (Hakha) Common Language Bible 2006

¹ Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

AMOS 9:1 ပူးပေါင်းရင်းမြစ်များ

2 CHANRELNAK 18:18

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah an dir kha ka hmuh;

SALM 68:21

Pathian nih a ral pawl cu an lu a khuai hrimhrim hna lai, an sualnak lam a zul pengmi hna cu.

SALM 68:22

Bawipa nih, “Nan ral cu Bashan in ka rak kirpi ṭhan hna lai; rili thukmi chungin ka rak kirpi ṭhan hna lai i

ISAIAH 30:16

Tlik a mumi rang kan i cit hna lai i cuticun kan ral hna kut in kan luat lai tiah khua nan khan. Asi, nan hmaan ko, nan zam a herh taktak lai. Sihmanhsehlaw kan rang cu an ṭhawng ve ko, tiah nan ruat lai nain nanmah an dawitu hna rang cu an ṭhawng chinchin lai.

ISAIAH 6:1

Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 42:16

nan ṭihmi vainam nih khan khika Izipt ram ah cun an dawi cuahmah ko hna lai i khika ah nan thi lai.

JEREMIAH 48:44

Ṭihnung chungin a zam khomi kha khor chungah a tla lai, Cun khor chungin a chuak khomi kha rap ah aa foih lai. Hi thil vialte hna hi dantatnak an hmuh kum ah Moab cungah ka tlunter lai, tiah Bawipa nih a ti.

EZEKIEL 1:28

Ruahpi a sur ni ah khuadawm lak i chuncha a chuah bantuk khin a velchum i a ceumi cu a um. Bawipa sunparnak a muisam cu cu bantuk cu a si. Cucu ka hmuh tikah ka bawk i aw pakhat ka theih.

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

EZEKIEL 15:7

Annih cu ka hmai ka chiathnawh hna lai, Mei chungin luat hna hmanh seh law mei ṭhiamṭhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah Bawipa ka si cu nan hngalh lai. Mah hihi Bawipa Pathian bia hrimhrim a si, tiah a ti.

EZEKIEL 9:2

Cun cunglei chaklei kutka hei fuhnak lam khan mi paruk an rat kha ka hmuh, raldohnak hreitlung an i put cio i anmah lak i pakhat cu puan hmangṭhia aa aih i a tai ah cafung le cahang kha a ngei; cun dar biakṭheng pawngah khan an dir.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

AMOS 7:9

Isak khuahrumbo hna cu an rawk lai i Israel hmunthiang hna cu pakpalawng ah an cang lai; vainam i put in ka tho lai i Jeroboam innchungkhar cu ka tuk hna lai,” tiah a ti.

HABAKKUK 3:13

Na mi hna khamh awkah khan na kal i Na chiti thuhmi khamh awkah khan na ra; Miṭhalopa inn cu a cunglei in na vun ṭheh i a hram lung a langh ritret tiang na hlai.

ZEFANIAH 1:12

Khi caan ah Jerusalem cu meiinn he ka kawl lai i An zu ne a rak ri i a rak i ṭhutpi ko i, “Bawipa nih cun a ṭha zong a chia zong zeihmanh a tuah lai lo,” tiah a timi hna kha dan ka tat hna lai.

ZEFANIAH 2:14

Khika ah saṭil run le ramlak saram vialte kha an bawk lai. Chimbu ki ngei le langta nih a tung ngan pipi par ah cun bu an ser lai, Chimbu pawl cu thlalangawng in an awn lai i langta cu innleng ah an dir lai.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 1:32

Cun Johan nih cun, “Vancung in Thlarau cu ṭhuro bantukin a rung ṭum i a cung i aa fut kha ka hmuh.

LAMKALTU 26:13

Lam i kan kal lioah cun, chunlai ah khin, maw Bawipa, vancung in keimah le keimah he a kal ṭimi hna velchum i ni nakin a ceu deuhmi ceu a rung ceu cu ka hmuh.

JOSHUA 10:18

Cun Joshua nih, “Lungkua kaa ah cun lung ngan pipi hril hna u, cun a pawngah anmah cawngtu ah mi chia hna u;

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

BIAPHUAN 8:3

A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.