AMOS 8:8 - Lai (Hakha) Common Language Bible 2006

⁸ Hi ruangah hin vawlei hi i hnin loin a um kho hnga maw? A cung i a ummi vialte hna cu ngaihchia loin an um kho hnga maw? Ram cu a pumpi in Nail tiva lian bantukin a tho lai i Izipt Tivapi bantukin a hlonh in aa hlonh lai.

AMOS 8:8 ပူးပေါင်းရင်းမြစ်များ

SALM 18:7

Cun Pathian cu a thin a hun caah vawlei cu aa hnin i a ther; tlang hram hna cu an i hnin i an i sai dih.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 46:7

Nail tiva lianh bantukin a lianmi hi ahodah a si? Tiva a ti a kai uahmahmi bantuk hi?

JEREMIAH 46:8

Izipt hi Nail tiva lianh in a lian, Tiva a ti a kai uahmahmi hna bantukin. Aa thawh i, “Ka lian lai, vawlei hi ka khuh dih lai, Khuapi hna le an chung i a ummi cu ka hrawh hna lai,” a ti.

JEREMIAH 51:29

Babilon cu ṭiaotakmi hmun le mi um lonak hmun siter awkah Bawipa nih Babilon kong i aa tinhmi kha a tlin cang caah Vawlei cu a ther i aa hnin.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

AMOS 9:5

Bawipa ralkapbu Pathian nih vawlei kha a tawngh i a ti dih, A cung i a ummi vialte cu an ro dih; Nail tiva lian bantukin vawlei cu a tho i Izipt Tivapi bantukin a ṭum ṭhan.

NAHUM 1:8

Tilian nih thil a hrawh bantukin a hrawh hna i Sihmanhsehlaw amah a dohtu a ral hna cu khuamui chungah a dawi hna.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.