AMOS 8:10 - Lai (Hakha) Common Language Bible 2006

¹⁰ Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

AMOS 8:10 ပူးပေါင်းရင်းမြစ်များ

GENESIS 21:16

lam hla nawn, thal kah phak hrawng khin a hngah. “Ngakchia a thih cu ka hmu ngam lo,” a ti i cuka i a ṭhut lioah cun fak piin a ṭap.

JOB 20:23

Pathian nih a cungah a thinhunnak cu a tlunter ciammam i Harnak cu ruah sur in a surter.

JOB 3:5

Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih ṭhih seh.

JOB 30:31

Ka tingtang cu ngaihchiatnak hlasaknak ah an cang i Ka thonglawi cu a ṭapmi hna aw he aa tlak in tum a si cang.

ISAIAH 3:24

Zihmui kha hmang ti loin a thut in an thu lai, taisawm ṭhaṭha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan ṭhaṭha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 48:37

Annih nih an dihlak in an lu an i kawngh i an khahmul an i meh i an kut an i at i an tai ah buri an i venh.

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

ṬAHNAK HLA 5:15

Lawmhnak nih a kan zamtak cang i Kan lamnak hna cu ṭahnak ah an cang cang.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

EZEKIEL 7:2

“Mipa, hi bia hi Bawipa Pathian nih Israel mi hna sinah a chim duhmi bia cu a si, a ti: A dih cang! ram cung kil li cungah donghnak cu a tlung lio.

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

JOEL 1:8

Maw mi hna, a vat laimi tlangval nih a thihtakmi ngaknu nih a ṭah bantukin nannih cu ṭap tuah u.

LEVITIKAS 13:40

“Mipa pakhatkhat cu a sam a tlong i a lu a kolh, sihmanhsehlaw a thiang ko.

AMOS 5:21

Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

AMOS 5:23

Nan hla aw kha ka theihter ti sawh hna hlah u; Nan thonglawi aw kha ka celh ti hna lo.

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.