AMOS 7:5 - Lai (Hakha) Common Language Bible 2006

⁵ Cun kei nih kaa thawh i, “Maw Bawipa Pathian, Ngol ko tuah, tiah kan nawl; Hi hnuah hin Jakob nih zeidah a tuah kun lai? Amah cu a hme tuk hringhran fawn,” tiah ka ti.

AMOS 7:5 ပူးပေါင်းရင်းမြစ်များ

SALM 85:4

Maw Pathian, kan Khamhtu, kan kirpi ṭhan law kan cungah lungsi loin um ti hlah.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 10:25

Dantatnak kan pekmi hna cu caan tawite chungah ka dihter lai i cun annih cu ka hrawh hna lai.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

EZEKIEL 9:8

Annih nih an rian an ṭuan lioah khan keimah lawng cu ka um i khi tikah ka bawk i, “Maw Bawipa Pathian, Israel mi a tangmi vialte hi na thah dih hna lai maw? Jerusalem khua cungah na thinhunnak cu na bungh ko lai maw?,” tiah ka au.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

NAMBAR 14:19

A fekmi na dawtnak a ngan rup le hi mi hna cu Izipt ram in atu tiang na ngaihthiam hna bangin, hi mi hna an ṭhat lonak hi ngaithiam ko hna,” tiah a ti.