AMOS 7:2 - Lai (Hakha) Common Language Bible 2006

² Ram chung i ram hring kha an ei dih dengmang tikah khin kaa thawh i, “Maw Bawipa Pathian, ngaithiam ko hna. Hi hnuah hin zeitindah Jakob cu a nun khawh ti lai? Zeihmanh a tuah khomi a si fawn lo,” tiah ka ti.

AMOS 7:2 ပူးပေါင်းရင်းမြစ်များ

SALM 12:1

Ka khamh tuah, maw Bawipa! Miṭha an um ti lo i lihchim lomi an um ti lo.

EXODUS 10:15

Ram kha a khuh in an khuh dih i cucaah vawlei cu nak dup in a um ko. Ram chung i a khomi thil vialte le rial nih a nganhmi thingthei kung vialte kha an ei dih. Izipt ram chung a dihlak ah thing hring pakhat siseh, ram hring pakhat siseh a taangmi an um lo.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 51:19

Vanchiatnak thuah hnih nih an in tlak phuat; na ram cu raldohnak nih a hrawh cikcek i na mi cu rawl loin an um. Ahohmanh zaangfahtu na ngei lo.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

EZEKIEL 11:13

Bia ka chim lengmang lioah cun Benaiah fapa Pelatiah cu a thi; cun ka bawk i fak piin ka ṭap i, “Maw Bawipa Pathian, a tangmi Israel mi vialte kha an donghnak na phakter dih ko hna lai maw?” tiah ka ti.

EZEKIEL 9:8

Annih nih an rian an ṭuan lioah khan keimah lawng cu ka um i khi tikah ka bawk i, “Maw Bawipa Pathian, Israel mi a tangmi vialte hi na thah dih hna lai maw? Jerusalem khua cungah na thinhunnak cu na bungh ko lai maw?,” tiah ka au.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

AMOS 4:9

A kangh in a kangmi thli le bangbuar in kan hrem hna; Nan dum le nan mitsur lo hna cu ka hrawh hna; Nan theipi kung hna le nan oliv kung hna cu khaubawk nih an ei dih hna; Sihmanhsehlaw ka sinah nan kir hlei lo. Hihi Bawipa bia hrimhrim a si.

AMOS 7:5

Cun kei nih kaa thawh i, “Maw Bawipa Pathian, Ngol ko tuah, tiah kan nawl; Hi hnuah hin Jakob nih zeidah a tuah kun lai? Amah cu a hme tuk hringhran fawn,” tiah ka ti.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.