AMOS 7:17 - Lai (Hakha) Common Language Bible 2006

¹⁷ Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

AMOS 7:17 ပူးပေါင်းရင်းမြစ်များ

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

ISAIAH 13:16

Zeihmanh tuah kho ṭung loin an mit lawng i an zoh ko lio hna ah khan, an fale tete cu thi lakin an tenghpiak hna lai, an inn kha an ramh hna lai i an nupile kha hranhram in an sualpiak hna lai,” a ti.

ISAIAH 22:18

Pumpululh zit in an zit i ram ngan deuh ah an hlonh vurmar lai. Cuka ah cun naa uanthlar ngaingaimi rangleng hna hramah khan na thi lai. Nangmah cu na bawipa innchungkhar cungah ningzahnak a tluntertu na si.

JEREMIAH 14:16

Cun annih nih an chimhmi hna zong cu an nupile he an fapale hna he an fanule hna he; vainam le mangṭam ruangah cun phumtu hmanh ngei loin Jerusalem khua chung lam hna ah cun hlonh an si lai. An hmuh awk hnga a simi ṭhat lonak kha an cungah ka toih hna lai.

JEREMIAH 20:6

Cun nangmah Pashhur le na innchungkhar vialte cu sal taannak chungah nan kal lai i Babilon kha nan phan lai. Cuka ah cun nan thi lai i cuka ah cun vui nan si lai, nangmah le hlennak in na chimhmi na hawile vialte hna cu,” tiah a ti.

JEREMIAH 28:12

Profet Hananiah nih profet Jeremiah hngawng i a ummi hngawngkual a khiah hnu tlawmpal ah Bawipa bia cu Jeremiah sinah a ra:

JEREMIAH 28:16

Cucaah Bawipa nih hi bangin a ti: ‘Zohhmanh, vawleicung in nang cu kan ṭhial lai. Bawipa dohnak kha na chim caah tukum chung hrimhrim ah na thi lai,’ a ti,” tiah a ti.

JEREMIAH 29:21

“Nan sinah lih in bia a chimmi Kolaiah fapa Ahab le Maaseiah fapa Zedekiah kong ah Ralkapbu Bawipa, Israel Pathian bia cu hi bangin a si: Annih cu Babilon siangpahrang Nebukhadnezzar kut ah ka chanh hna lai i nan mithmuh hrimhrim ah a thah hna lai.

ṬAHNAK HLA 5:11

Zion ah nu kha tlaihhrem an si; Judah ram khua hna ah ngaknu thiang kha tlaihhrem an si.

EZEKIEL 4:13

Bawipa nih hi ti hin a ti, “Hi thil hna hi Israel mi hna ramdang i ka ṭhek tik hna ah Phung i khammi rawl an ei a herh te lainak kha hngalhternak a si.”

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

AMOS 6:7

Cucaah saltangmi hna lakah khan hmaisuang ah nannih cu nan kal lai i Cucu nan i nuamhsaihnak a donghnak cu a si lai.

AMOS 7:11

Amah nih cun aa thawh i, ‘Jeroboam cu vainam in a thi lai i Israel mi hna cu an ram in lamhlapi ah sal ah kalpi an si lai,’ a ti,” tiah a ti.

AMOS 8:1

Bawipa Pathian nih a ka hmuhtermi cu hihi a si: Ṭhal caan thei bawm pakhat a um i,

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

AMOS 9:8

Zohhmanh, Bawipa Pathian nih hi a sualmi pennak cungah hin ka mit ka chiah i, Vawlei cung hin ka hloh lai,” tiah a ti. Asinain Jakob tefa hna cu an ci an ruang in ka hlo hna lai lo, tiah Bawipa nih a ti.

MIKAH 1:16

Naa lawmh tawnnak na fale ruangah khan na lu i kawngh tuah; Annih nih an in kaltak i saltannak chungah an luh cang caah langta bantukin na lu i kolh tuah.

ZEKHARIAH 14:2

Jerusalem doh awkah mi vialte kha ka pumh hna lai; khua cu an lak lai, inn cu an ramh hna lai i nu cu an tlaihhrem hna lai. Khuapi cheu hnih cheu khat cu saltannak chungah a kal lai, sihmanhsehlaw khua chung i a ummi, hi miphun chungin a tangmi hna cu, hloh an si lai lo.