AMOS 7:15 - Lai (Hakha) Common Language Bible 2006

¹⁵ Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.

AMOS 7:15 ပူးပေါင်းရင်းမြစ်များ

2 SAMUEL 7:8

Cucaah atu cu ka sal David kha hi bangin na va chimh lai, ‘Hi bangin ralkapbu Bawipa nih a ti, nangmah cu ka mi Israel mi cungah bawi si awkah phong lak, tuu na zulhkhalh hnanak khan kan lak;

1 SIANGPAHRANG 19:19

Cucaah khika khan a kal i Shafat fapa Elisha kha a hmai i cawtum tuah hleihnih he lei a rak thuan kha a hmuh, amah cu a tuah hleihnihnak sinah cun a rak um. Elijah cu a pawngin a lan i a puan khan a hei cheh.

JEREMIAH 1:7

Sihmanhsehlaw Bawipa nih a ka thawh i, “Ngakchiate men ka si, ti hlah; Zeicahtiah cu hna sinah cun va kal, tiah kan tinak ah na kal lai i nawl kan pekmi paoh kha na chim lai.

JEREMIAH 26:12

Cu tikah Jeremiah nih bawi vialte le mi vialte cu a thawh hna i, “Hi inn kong le hi khua kong i nan theihmi bia vialte hi chim awkah Bawipa nih a ka thlah.

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

MATTHAI 9:9

Cuka hmun cun Jesuh cu a chuak i a kalpah ah khan ngunkhuai khawltu Matthai a zung i a rak ṭhut ko kha a hmuh. Amah cu, “Ka zul,” tiah a ti. Matthai cu a tho i a zulh.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 4:20

Zei ti si hmanh ah kannih nih cun kanmah hrimhrim nih kan hmuh komi le kan theih komi cu chim lo cun kan um kho bal lai lo,” an ti hna.

LAMKALTU 5:20

“Va kal u law biakinn chungah khan va dir tuah u, cun mizapi kha hi nunnak thar kong kha va chim hna u,” tiah a ti hna.

1 SAMUEL 10:11

Cun hlan i amah a rak hngalmi vialte nih khan, profet hna he an holh cukmak kha an hmuh tikah, cu mi hna nih cun pakhat le pakhat cu, “Kish fapa cungah hin zeidah a tlung hnga? Saul zong profet hna lakah aa tel ve cang dahra?” tiah an i ti.