AMOS 7:10 - Lai (Hakha) Common Language Bible 2006

¹⁰ Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

AMOS 7:10 ပူးပေါင်းရင်းမြစ်များ

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

1 SIANGPAHRANG 13:33

Hi thil hnu zongah hin Jeroboam cu lam ṭhalo a zulhmi khan aa mer hlei lo, sihmanhsehlaw khuahrumbo ca i tlangbawi cu mi zapi lak khan a ser hna; tlangbawi si a duhmi paoh kha khuahrumbo tlangbawi caah cun a thianter duahmah ko hna.

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 36:16

Cun bia kha an theih dih tikah thinphang in pakhat le pakhat kha an i zoh i, Baruk cu an thawh i, “Hi bia vialte hi siangpahrang kan chimh lai,” tiah an ti.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

AMOS 1:1

Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 5:10

Ṭhat lonak tuahtu zung i a chuahpitu a hua i Biatak a chimmi a fihmi hna:

AMOS 5:5

Nun nan duh ahcun keimah sinah ra u, Bethel ah kal hlah u, Gilgal ah kal hlah u; Zeicahtiah Gilgal cu kalpi a si lai i Bethel cu siasal inn ah a cang lai.

AMOS 7:11

Amah nih cun aa thawh i, ‘Jeroboam cu vainam in a thi lai i Israel mi hna cu an ram in lamhlapi ah sal ah kalpi an si lai,’ a ti,” tiah a ti.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.