AMOS 6:4 - Lai (Hakha) Common Language Bible 2006

⁴ Nannih cu vuiho in ṭamhmi nan ihkhun ah khan nan it i Nan ṭhutdan nem cungah khan nan zau, Saṭil run chung i a thaumi tuufa hna le cawfa hna kha nan ei;

AMOS 6:4 ပူးပေါင်းရင်းမြစ်များ

GENESIS 37:25

Rawl an ei lioah khin Gilead lei in a rami Ishmael mi khualtlawng bu khat kha an hmuh hna. An kalauk cu mitsur thei car le hangṭamh a phunphun kha Izipt i vung zuar awkah an phor.

ESTHER 1:6

Laa in tahmi puanzar a rangmi le puanzar aa thlaimi a dummi hna cu la hmangṭhia in le a senduk in a senmi la in lungrang tung i ngunkual ah khan an ṭem chih hna; cun lung hak le lung rang le lungvar le lung mansung in a mui an sermi ṭuang ah cun sui ṭhutdan le ngun ṭhutdan kha an chiah hna.

SALM 73:7

An mit pawt lellul pipi in an um i an lungthin cu ṭhat lonak khuaruahnak in a khat.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

ISAIAH 28:1

Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

JEREMIAH 16:8

Cun rawl danghnak inn chung zongah, annih he ṭhut ṭi awkah siseh, ei ṭi awkah siseh, din ṭi awkah siseh, na lut lai lo.

EZEKIEL 16:49

Amah le a fanu hna cu chawva le rawl tampi an ngeihmi kha an i porhlaw i hnangam le nuam ngaiin an um i sihmanhsehlaw misifak le mirethei kha an bawm bal hna lo.

EZEKIEL 23:41

a ṭha ngaingaimi ihkhun cungah khan na ṭhu i an hmaiah cun cabuai kha an hun i cu cabuai cungah cun keimah zihmui le chiti kha an chiah hna.

AMOS 3:12

Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

JEIM 5:5

Hi vawlei cungah cun nuam ngai le duhtling ngaiin nan nung. Sa thah ni caah nanmah le nanmah nan rak i thauter.