AMOS 6:13 - Lai (Hakha) Common Language Bible 2006

¹³ Lodebar nan lak khawh caah khan nan i thangṭhat i “Karnaim cu kanmah thazang tein kan la lo maw?” nan ti.

AMOS 6:13 ပူးပေါင်းရင်းမြစ်များ

2 SIANGPAHRANG 13:25

Cun Jehoahaz fapa Jehoash nih khan Hazael fapa Benhadad sin khan, a pa Jehoahaz sinin Hazael nih ral lio i a rak lakmi khua kha a lak ṭhan hna. Jehoash nih amah cu voi thum a tei i Israel khua kha a lak ṭhan hna.

2 SIANGPAHRANG 14:25

Amah nih Israel ramri cu Hamath khua luhnak khan Arabah Rili tiang a siter ṭhan; mah cucu Bawipa, Israel Pathian nih a sal profet Jonah sinin a rak chimmi ning khan a si; Jonah cu Gath-hefer khuami Amittai fapa a si.

JOB 31:25

Ka chawva a tam caah le ka rumnak a karh caah kaa lawm i

JOB 31:29

Ka ral nih fahnak an in tikah kaa lawm bal lo, rawhralnak an ton tikah, diriam in ka um bal lo;

JOB 8:14

Anmah le anmah an i bochannak cu manmarang aa zammi bantuk a si i An hngatchanmi cu sawmpalak bu men a si.

JOB 8:15

A inn kha aa hngauh, sihmanhsehlaw a inn cu a dir kho lo; A tlaih, sihmanhsehlaw a tlu ṭhiamṭhiam.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

SALM 75:4

Miruamkai kha i porhlaw hlah u ka ti hna i miṭhalo kha nan lung puam hlah u, ka ti hna;

SALM 75:5

i leksuai ti hlah u ka ti hna i i fak len ti hlah u ka ti hna,” a ti.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

ISAIAH 7:1

Siangpahrang Ahaz nih Judah ram a uk lioah khan raldohnak pakhat a chuak. (Ahaz cu Jotham fapa a si i Jotham cu Uzziah fapa a si.) Siria siangpahrang Rezin le Israel siangpahrang Pekah nih Jerusalem kha an tuk, sihmanhsehlaw an la kho lo. (Pekah cu Remaliah fapa a si.)

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

ISAIAH 8:6

“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

JEREMIAH 50:11

Babilon mi hna, nanmah nih ka miphun kha nan hrawh hna; Nan tha a nuam, nan lung aa lawm i facang cil dih hnuah cawla nih a duhduh in a lek bangin nan le nain le rangtum bangin nan awn nain,

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

EZEKIEL 29:9

Nangmah nih naa thawh i, ‘Nail tiva cu keimah ta a si, a sertu cu keimah ka si,’ na ti caah, Izipt ram cu ram pakpalawng ah a cang lai i annih nih Bawipa ka si kha an hngalh lai.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

JONAH 4:6

Khi tikah Bawipa nih Jonah cungah cun umruang pakhat kha a hun zamter i i nuam lo tuk in a um nakhnga lo umruang nih cun thladem a hun demh; cucaah Jonah cu a lung aa lawm ngaingai.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

JEIM 4:16

Sihmanhsehlaw na lung a puam i naa porhlaw; cu bantuk porhlawtnak vialte cu ahmaan lomi thil a si.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.

1 SAMUEL 4:5

Bawipa biakamnak kuang cu riah-hmun chungah a phak tikah, Israel mi vialte cu fak piin an au i cucaah vawlei zong kha a tlerh dih.