AMOS 5:9 - Lai (Hakha) Common Language Bible 2006

⁹ Amah cu Firuk kha Fitlaw hnuah a chuahter i Mitsur thei a lotu timi arfi a chuah hnuah, Firuk kha a tlaktertu cu amah kha a si. Hi thil a tuahtu hi a min ah Bawipa a si.

AMOS 5:9 ပူးပေါင်းရင်းမြစ်များ

2 SIANGPAHRANG 13:17

Cun aa thawh i, “Nichuahlei thlalangawng kha hung,” tiah a ti i a hun. Cun Elisha nih, “Kap tuah,” tiah a ti i a kah. Cun a thawh i, “Bawipa teinak cantiang, Siria teinak ding cantiang! Zeitintiah Siria mi cu Afek ah an dongh cikcek tiangin na tei hna lai,” tiah a ti.

2 SIANGPAHRANG 13:25

Cun Jehoahaz fapa Jehoash nih khan Hazael fapa Benhadad sin khan, a pa Jehoahaz sinin Hazael nih ral lio i a rak lakmi khua kha a lak ṭhan hna. Jehoash nih amah cu voi thum a tei i Israel khua kha a lak ṭhan hna.

ISAIAH 29:5

Jerusalem, nangmah an dotu ramdangmi vialte hna cu leidip bangin an choi dih lai i ṭih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

AMOS 2:14

A khul a rangmi zong kha a zam hmanh ah a him hlei lai lo, A ṭhawngmi zong kha a ṭhawnnak cu san a tlai hlei lai lo; Ralkap zong nih khan amah le amah aa khamh kho hlei lai lo.

MIKAH 5:11

Nan ram chung khua cu ka hrawh dih hna lai i nan ralhau cu ka chimh dih hna lai.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.