AMOS 5:7 - Lai (Hakha) Common Language Bible 2006

⁷ Biading kha a bingtalet in a thlai i, Dinnak kha vawlei ah a hril i,

AMOS 5:7 ပူးပေါင်းရင်းမြစ်များ

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

PHUNGTHLÛKBIA 21:7

Miṭhalo cu anmah nih an tuahmi zaang-ennak chung lila ah khan an i foih, zeicahtiah a dingmi thil tuah kha an duh lo.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 10:1

Ka mi hna hremnak ah phung dinglo a sermi nannih cu nan lo cang!

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

EZEKIEL 18:24

“Cun miding mipa nih a ziaza ding kha a hlawt ko hnga i miṭhalo mipa nih fihnung a phunphun a tuahmi kha a tuah ve ko hnga; mah hihi tuah buin a nung ko hnga maw? Nung hlah, dinnak a rak tuahmi vialte kha hngalhpiak a si lai lo; zumhawktlak loin a nung, a sual i cucaah cun a thi lai.

EZEKIEL 3:20

Asiloah, miding mi pakhatkhat cu a pial kho ko i palhnak kha a tuah khawh ko, cucu a rilhnak a chuahtertu ka siter ko lai; nangmah nih ralrinnak na pek lo caah a thi lai. A sualnak ruangah a thi lai; dinnak a rak tuahmi kha relpiak a si lai lo i a thih ruangah khan nangmah cu kan mawhchiat lai.

EZEKIEL 33:18

Miding mi nih a dinnak kha a hlawt i palhnak kha a tuah ahcun, cu ruangah cun a thi ko lai;

HOSEA 10:4

A chim lawng kha an chim lengmang, Sullam ngei loin chiat kha an ser i biakamnak kha an tuah i Pakhat le pakhat taza i cuainak kha sivai a ngeimi belh leileh rinkhuar ah an khoh bantukin an kho.

AMOS 2:3

Cun a uktu hna bawi hna kha anmah lakah cun ka thah lai i An bawile vialte cu amah sinah cun ka thah chih dih hna lai. Cucu Bawipa bia a si.

AMOS 3:10

An ralhruang chungah zaang-ennak le firnak in thil tampi a khong luaimaimi hna nih hin, dinnak kha zei a si tiah an hngal lo, tiah Bawipa hrimhrim nih a ti.

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

HABAKKUK 1:4

Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

ZEFANIAH 1:6

Bawipa kha hnulei an chit i Bawipa kha an kawl lo i ruahnak an hal lo.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.