AMOS 5:6 - Lai (Hakha) Common Language Bible 2006

⁶ Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

AMOS 5:6 ပူးပေါင်းရင်းမြစ်များ

2 SAMUEL 19:20

zeitintiah ka sual cang ti kha na sal nih ka hngalh; cucaah zohhmanh, Josef innchungkhar vialte hna lakah a hmasa bik ah rat i siangpahrang ka bawipa cu don awkah nihin ah ka ra,” tiah a ti.

1 SIANGPAHRANG 11:28

Jeroboam cu thil ti kho ngai a si i Solomon nih tlangvalpa cu miteima a si ti kha a hmuh tikah, Josef hrin nih an ṭuan awk hnekmi rian vialte cung i haotu ah khan a chiah.

2 CHANRELNAK 34:25

Annih nih an kut in an ṭuanmi rian vialte in ka thin an ka phawh i keimah kha an ka hlawt i pathian dang hna sinah zihmui an khangh caah, cucaah hi hmun cungah hin ka thinhunnak ka bungh lai i hmih khawh a si lai lo.

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 69:33

Sifahnak le retheihnak a ingmi hna thlacamnak cu Bawipa nih a ngaih i thong chungah a ummi hna kha a philh hna lo.

EXODUS 22:6

“Mei a tlan sual i ram kha a kangh i ponmi rawl siseh, a dir liomi rawl siseh, thlaici tuhmi lo siseh, a kangh ahcun, mei a thawhtertu nih khan a kangmi man cu a liam lai.

ISAIAH 1:31

Thing ro cu meici nih a alhter bantukin miṭhawng hna cu amah tuahmi lila nih a hrawh hna lai i cu bantukin an rawhnak cu ahohmanh nih an kham kho lai lo.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

JEREMIAH 38:20

Cun Jeremiah nih, “An in chan lai lo. Kan chimhmi paohpaoh ah hin Bawipa bia na zulh ahcun, nangmah caah a ṭha dih ko lai i na nunnak kha zuah a si lai.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

EZEKIEL 21:3

Israel ram cu thawh law, “Hihi Bawipa bia an si: Nangmah cu kan ralchanh. Ka vainam cu a kawng chung khan ka phawi lai i na chung i a ummi kha a ding he a ṭhalo he ka sam hna lai.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

EZEKIEL 37:19

thawh hna law, hihi Bawipa Pathian bia an si, tiah chim hna: Josef phengphel, (Efraim a hawikom Israel phun hawi ta a simi) le cu phengphel he aa kommi Israel chungkhar hna kha ka lak hna lai i Judah phengphel he khan kan komh hna lai. Cuticun phengphel pakhat ah ka ser hna lai i ka kut chungah phengphel pakhat an si lai.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 5:14

Nan nun nakhnga, chiatnak si loin ṭhatnak tu kha kawl u, Cu ti a si ahcun, kanmah leiah a um nan ti bangin Bawipa, Ralkapbu Pathian cu nan sinah fek tein a um lai.

AMOS 5:4

Mah hihi Bawipa nih Israel mi sinah a chimmi bia a si:

AMOS 6:6

A kheng ning pipi in mitsur hang kha nan din i Chiti ṭha bikbik khan nan i cenh; Sihmanhsehlaw Josef nih rawhralnak a in ni ah khan nan ngaih a chia lo.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

DEUTERONOMI 4:24

Zeitintiah Bawipa nan Pathian cu tlumral lak kangh hmang mei, nahchuak Pathian a si.

JOSHUA 18:5

Vo pasarih ah an cheu lai, Judah pawl cu an ram chungah thlanglei ah khan an um ko lai i Josef chungle hna cu an ram chungah chaklei ah khan an um ko lai.