AMOS 5:5 - Lai (Hakha) Common Language Bible 2006

⁵ Nun nan duh ahcun keimah sinah ra u, Bethel ah kal hlah u, Gilgal ah kal hlah u; Zeicahtiah Gilgal cu kalpi a si lai i Bethel cu siasal inn ah a cang lai.

AMOS 5:5 ပူးပေါင်းရင်းမြစ်များ

GENESIS 21:31

Cucaah cuka hmun cu a min ah Beer-sheba ti a si, zeicahtiah an pahnih in biakamnak an tuahnak cu cuka ah cun a si.

GENESIS 21:33

Cun Abraham nih Beer-sheba ah cun thingkung pakhat a phun i Bawipa, Zungzal Hmunmi Pathian kha a biak.

GENESIS 26:23

Mah ka hmun cu Isak nih a chuahtak i Beersheba ah a kal.

GENESIS 26:33

cucaah cu tikhor cu a min ah Shibah a sak. Cucaah cun pei cu khua cu Beer-sheba tiah ti a si rih cu.

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 12:29

Cun pakhat cu Bethel ah a chiah i a dang pakhat cu Dan ah a chiah.

2 SIANGPAHRANG 23:8

Cun Judah ram khua hna khan tlangbawi vialte kha a chuah hna i tlangbawi nih zihmui an khanghnak khuahrum bo vialte kha, Geba in Beersheba tiang a thurhnawmhter dih hna; khua uktu bawi Joshua kutka luhnak i a ummi kutka khuahrum bo khuapi kutka vung luh i cakeh lei ah a ummi hna kha a chimh dih hna.

JOB 8:22

Nangmah an huami cu ningzahnak in thuamh an si lai i Miṭhalo hna thlam cu a um ti lai lo,” tiah a ti.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

ISAIAH 29:20

Midang a hremtu hna le Pathian zei ah a rel lomi hna caah cun an donghnak a si lai. Misual paoh cu hrawh an si lai.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

HOSEA 12:11

Gilead ah siasal kha an biak hna, cu a biatu hna cu an thi lai. Gilgal ah cawtum kha rai ah an thawi hna, cucaah biakṭheng hna cu lo lak lungpon ah an cang lai.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

AMOS 1:5

Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu Bawipa bia a si.

AMOS 3:14

Israel mi cu an sualnak ruangah dan ka tat hna ni ah Bethel i a ummi biakṭheng cu dan ka tat hrimhrim lai: Biakṭheng ki cu tan an si lai i vawlei ah an tla lai.

AMOS 4:4

“Bethel ah ra u law ra sual u; Gilgal ah ra u law sual chinchin u! Zing fate in nan raithawinak kha rak pu u, Nan cheu hra cheu khat kha ni thum dan lengmang ah rak chuahpi hna u.

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

AMOS 7:13

Sihmanhsehlaw Bethel ah cun zeitikhmanh ah bia chim ṭhan ti hlah, zeicahtiah Bethel cu siangpahrang hmunthiang, siangpahrang inn pei a si cu,” tiah a ti.

AMOS 7:17

Cucaah Bawipa bia cu hihi a si: Na nupi cu khuapi chung hlawhhlangnu ah a cang lai i Na fapale hna le na fanule hna cu vainam in an thi lai. Na vawlei cu tahnak hri in an tah hna lai i mi an phawt hna lai; Nangmah cu lawkihmi ram ah na thi lai; Cun Israel cu anmah an ram khan lamhlapi ah an kalpi hna lai i sal ah an tang lai,” tiah a ti.

AMOS 7:9

Isak khuahrumbo hna cu an rawk lai i Israel hmunthiang hna cu pakpalawng ah an cang lai; vainam i put in ka tho lai i Jeroboam innchungkhar cu ka tuk hna lai,” tiah a ti.

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

1 KORIN 1:28

Vawlei nih thil pipa i a ruahmi kha hrawh awkah vawlei nih a nautatmi le zei i a rel lomi le pakpalawng i a ruahmi hna a thim hnanak cu a si.

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

DEUTERONOMI 28:41

Fapa hna le fanu hna cu nan hrin hna lai, sihmanhsehlaw nanmah ta an si lai lo, zeitintiah sal ah an hruai hna lai.

JOSHUA 5:9

Cun Bawipa nih Joshua sinah cun, “Nihin ni ah hin nan sinin Izipt mi nih an in nihsawh hnanak cu ka hrilh cang,” tiah a ti. Cucaah cu ka hmun min cu nihin tiangin Gilgal ti a si.

BIAPHUAN 18:17

Sihmanhsehlaw suimilam pakhat chungah a chawva vialte cu an lo dih ai!” an ti lai. Rili lawngcawng bawi vialte hna le khual tlawngmi vialte hna le tilawng rianṭuantu vialte hna le rili cung rianṭuannak in a paw a cawmmi vialte hna cu lamhlatpi in an dir i

1 SAMUEL 11:14

Cun Samuel nih mizapi hna cu, “Ra u, Gilgal ah kal u si law, pennak kha tharchuah u sih,” tiah a ti hna.

1 SAMUEL 7:16

Cun kum fate in Bethel, Gilgal le Mizpah cu a tlawn diahmah lengmang hna i, hi khua dihlak ah hin Israel mi kha bia a ceih hna.

1 SAMUEL 8:2

A hrin hmasa bik fapa cu Joel a min a si i a pahnihnak cu a min Abijah a si. Beersheba ah biaceihtu an si.