AMOS 5:27 - Lai (Hakha) Common Language Bible 2006

²⁷ Damaskas pinah sal i va taan awkah kan ṭhawl hna lai. Cuticun Bawipa nih a ti; a min cu Ralkapbu Pathian a si.

AMOS 5:27 ပူးပေါင်းရင်းမြစ်များ

1 SIANGPAHRANG 14:15

ti chungah phaikung aa hninh lengmang bantuk khin Bawipa nih Israel cu a tuk lai i annih nih an Asherim an i ser hnanak thawngin Bawipa kha a thin an hunter caah, an pupa hna sinah a pekmi hi ram ṭha chung hin Israel mi cu a phawi hna lai i Zufrates tiva ral ah khin a ṭhek hna lai.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

JEREMIAH 38:17

Khi tikah Jeremiah nih Zedekiah cu, “Hi bangin Bawipa, Ralkapbu Pathian, Israel Pathian nih a ti: Babilon siangpahrang i a bawi hna sinah hin naa pek ahcun na nunnak cu zuah a si lai i hi khua hi mei in khangh a si lai lo, nangmah le na innchungkhar cu nan nung lai.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

AMOS 5:26

Pe hlah, nan rak ka pe bal lo, sihmanhsehlaw atu cu nan caah nan i sermi nan siangpahrang Sakkuth le nan siasal Kai-uan, nan arfi pathian hna cu nan i phorh hna lai i,

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

AMOS 6:7

Cucaah saltangmi hna lakah khan hmaisuang ah nannih cu nan kal lai i Cucu nan i nuamhsaihnak a donghnak cu a si lai.

LAMKALTU 7:43

Nannih nih nan i phorhmi thlam cu Molok pathian thlam kha a si i Nan i kalpimi milem cu nan pathian Refan arfi siasal kha a si; Annih cu nanmah nih biak awk caah nan ser chommi siasal an si. Cucaah nannih cu Babilon pinah kan kalter hna lai,’ tiin aa ṭial.