AMOS 5:25 - Lai (Hakha) Common Language Bible 2006

²⁵ Nannih Israel mi hna, kum sawm li chung ramcar chung i nan um lioah khan, Raithawinak le laksawng nan ka pe bal hme maw?

AMOS 5:25 ပူးပေါင်းရင်းမြစ်များ

NEHEMIAH 9:18

Annih nih thlet chommi cawfa kha an i ser i, ‘Izipt ram in a kan chuahpitu kha Pathian cu mah hihi a si,’ tiah an ti i na min an in thangchiat hmanh ah khan

NEHEMIAH 9:21

Kum sawm li ramlak ah na cawm hna i zeihmanh an bau lo; an thilpuan kha a ṭet lo i an ke kha a phing lo.

EZEKIEL 20:16

Zeicahtiah anmah an siasal kha zulh an duh caah ka phunglam kha an hlawt hna, ka nawlbia kha zulh an duh hna lo i ka sabbath kha an thurhhnawmh hna.

EZEKIEL 20:8

“Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.