AMOS 5:22 - Lai (Hakha) Common Language Bible 2006

²² Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo.

AMOS 5:22 ပူးပေါင်းရင်းမြစ်များ

SALM 116:17

Lawmhnak chimnak raithawinak cu kan pek lai i na sinah thla ka cam lai.

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

ISAIAH 1:11

Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 14:10

Bawipa nih hi mi hna kong ah hi bangin a chim: Annih hi ka lam in tlau a duhmi an si i an duhnak paoh ah an vak. Cucaah an cungah lawmhnak a ngei ti lo; an ṭhat lonak kha a philh lo i an sualnak kha dan a tat hna.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

JEREMIAH 7:21

Hitihin Ralkapbu Bawipa, Israel Pathian nih a ti: “Nan raithawinak ah nan khangh thawinak cu chap chin luaimai hna u law khangh awk a simi thawinak sa kha ei lawlaw ko hna u.

LEVITIKAS 7:11

“Cun mah hihi mi nih Bawipa sinah an pek awk daihnak thawinak pekchanhnak phunglam cu a si.

AMOS 5:23

Nan hla aw kha ka theihter ti sawh hna hlah u; Nan thonglawi aw kha ka celh ti hna lo.

MALAKHI 1:9

Nannih tlangbawi hna mithmai ṭha kan pe tuah tiah Bawipa cu hal hnek u, nan thlacamnak cu an let hna lai lo; nanmah palh a si ko lai.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.