AMOS 5:21 - Lai (Hakha) Common Language Bible 2006

²¹ Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

AMOS 5:21 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

EZEKIEL 23:18

Hlawhhlangnu a si kha a ning a zak lo i a u nih a ka nor bantukin a ka nor cikcek hlantiang aa sualter hna.

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

HOSEA 5:6

Bawipa sin i raithawi awk caah an tuu hna le an caw hna kha i put hna hmanh seh law zeihmanh san a tlai lo; A kaltak cang hna caah amah cu an hmu kho lo.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

AMOS 4:4

“Bethel ah ra u law ra sual u; Gilgal ah ra u law sual chinchin u! Zing fate in nan raithawinak kha rak pu u, Nan cheu hra cheu khat kha ni thum dan lengmang ah rak chuahpi hna u.

AMOS 4:5

Thilnu cawhmi lawmhnak changreu kha rak pu hna u; Mah lungtho tein pekchanhmi thawhlawm cu pechan u, tiah zapi thanh hna u. Zeicahtiah nannih Israel mi nih nan tuah duhmi tham cu, thil a ningcangte i tuah ceo kha pei a si ko cu! Hihi Bawipa bia hrimhrim a si.

AMOS 6:8

Bawipa Pathian hrimhrim nih chiatser in hi bangin a ti: Jakob a ruamkainak cu ka fih, a ralhruang hna cu ka fih hna; Khuapi cu a chung i a ummi vialte hna he ral kut chungah ka chanh lai.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.