AMOS 5:16 - Lai (Hakha) Common Language Bible 2006

¹⁶ Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.

AMOS 5:16 ပူးပေါင်းရင်းမြစ်များ

2 CHANRELNAK 35:25

Jeremiah zong nih ṭah hla a lawh i hlasak thiammi pa vialte le nu vialte nih nihin tiang hin Josiah cu an hla ah an cuanter. Mah hihi Israel mi lakah phunglam ah an ser hna; zohhmanh, Ṭah Hla chungah an i ṭial.

ISAIAH 15:8

Moab ramri kip ah ṭah thawng lawng a leng ko. Eglaim khua le Beerelim khua zongah ṭah thawng lawng a leng ko.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

JEREMIAH 30:5

“Daihnak thawng si loin, launak ai thawng le ṭihnak ai thawng kha ka theih.

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:16

An pupa nih si hna seh, anmah nih si hna seh, an hngalh bal lomi miphun hna sinah ka ṭhek hna lai i ka lim cikcek hna hlantiang vainam kha ka thlahhnawh hna lai, tiah a ti.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

JOEL 1:11

Nannih lothlomi hna, hnabeidong in um ko u, Nannih mitsur dum zohkhenhtu hna, ṭap ko u; Zeicahtiah changvut, barli le lo chungin a chuakmi thil vialte kha an lo dih cang.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

JOEL 1:8

Maw mi hna, a vat laimi tlangval nih a thihtakmi ngaknu nih a ṭah bantukin nannih cu ṭap tuah u.

AMOS 3:13

Ngai u law Jakob tefa hna kha theihter hna u. Mah hihi Bawipa Pathian Ralkapbu Pathian bia hrimhrim a si.

AMOS 5:27

Damaskas pinah sal i va taan awkah kan ṭhawl hna lai. Cuticun Bawipa nih a ti; a min cu Ralkapbu Pathian a si.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

MIKAH 1:8

Cucaah Mikah nih aa thawh i, “Ka kiao ka raak lai i taklawng le kelawng in kaa chawk lai; Cenghngia bangin ka ai lai i thetse ram chimbu bangin ka ṭap lai.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.

BIAPHUAN 18:10

Temhnak a inmi kha an ṭih caah a langhlat piin an dir i cuka cun an i thawh i, “Ṭih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua ṭhawng! Suimilam pakhat chungah na rawk dih ko!” an ti lai.

BIAPHUAN 18:19

An lu ah lei dip an i phulh, an ṭap an ai i, “Khua lianngan kha zeitluk in dah ṭih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.