AMOS 5:15 - Lai (Hakha) Common Language Bible 2006

¹⁵ Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

AMOS 5:15 ပူးပေါင်းရင်းမြစ်များ

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

1 SIANGPAHRANG 20:31

Cun a sinum hna nih amah cu an thawh i, “Zohhmanh, Israel chungkhar siangpahrang hna cu zaangfah thiammi siangpahrang an si tiah kan theih; cucaah kan tai ah puanchia i venh in kan lu ah hrihrual i ngerh u si law, Israel siangpahrang sinah cun va kal hnik u sih; na nunnak a hei in zuah ko hnga dah kaw,” tiah an ti.

2 SIANGPAHRANG 13:7

Zeitintiah Jehoahaz ralkap hna cu rangcung ralkap sawm nga le rangleng pahra le ke ralkap sang khat nak tam an tang ti lo; zeicahtiah Siria siangpahrang nih a hrawh hna i rawl cil tik i leidip bantuk ah khin a ser hna.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

SALM 119:104

Na nawlbia in fimnak ka hmuh, cucaah ziaza ṭhalo vialte kha ka huat hna.

SALM 34:14

Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 37:27

Ṭhat lonak kha mertak u law ṭhatnak kha tuah u; cun hi ram chungah hin nan um zungzal lai;

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 97:10

Ṭhat lonak a huami kha Bawipa nih a dawt hna, a mi kha a huhphenh hna i miṭhalo mi pawl kut chung khan a chuah hna.

EXODUS 32:30

A thaizing ah Moses nih mizapi cu a thawh hna i, “Ṭih a nung ngaingaimi sualnak nan tuah cang. Asinain Bawipa sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

JEREMIAH 18:8

sihmanhsehlaw cu ka tlerhmi miphun nih cun a ṭhat lonak kha a mertak ahcun a cung i thil ṭhalo ka tuah lai ka timi kha a ṭhat deuhnak in ka ruah ṭhan lai.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

EZEKIEL 45:9

Mah hihi Bawipa Pathian bia an si: I za cang u, Israel bawi hna! Zaang-ennak le i ramhnak kha donghter cang u; phung le biading tu kha tuah hna u; ka mi kha ṭhawl ti hna hlah u, tiah Bawipa Pathian nih a ti.

DANIEL 2:49

Cuhleiah Daniel nih a nawl bantukin siangpahrang nih cun Shadrak, Meshak le Abednego cu Babilon ram uktu ah a ser hna. Sihmanhsehlaw Daniel tu cu siangpahrang inn ah khan a um.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

AMOS 5:10

Ṭhat lonak tuahtu zung i a chuahpitu a hua i Biatak a chimmi a fihmi hna:

AMOS 5:24

Sihmanhsehlaw biading kha ti bantukin luanter u law Dinnak kha a cat lomi tiva bantukin luanter camcin ko u.

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

AMOS 7:3

Cun Bawipa nih cun a bia cu a let i, “Hihi cu a tlung ṭhan kun lai lo,” tiah a ti.

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

MIKAH 3:2

Sihmanhsehlaw ṭhatnak kha nan huat i ṭhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

MIKAH 5:3

Cucaah nu nih nau nganfah a in chung caan lawng kha Bawipa nih Israel cu a kaltak lai i, A miphun chungmi sal i a tangmi hna kha an unaule he cun an i fon ṭhan lai.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

ROM 7:22

Ka chunglei mi cu Pathian phung ah khan aa lawm;

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.